SANG 20
Yu Sen Yu Preshos Son fi Wi
-
1. Wi Faada, Jeuova,
Wi neva av no uop.
Bot tangks tu di ransom,
Nou wi av a chaans.
Yu Son paas evri tes.
An nou wi gi wi bes,
No waahn gi notn les,
Tiich piipl we yu waahn.
(KUOROS)
Yu sen yu Son fi wi;
Di ransom set wi frii.
So nou wi sing tugeda,
Se: “Tangks fi sen yu Son fi wi.”
-
2. Wi lorn ou yu kain, an
Yu tek yu taim wid wi.
It mek wi fiil gud fi
Nuo yu kier bout wi.
Bot wen wi tingk bout ou
Yu sen yu preshos Son,
Kom ded, no jos fi som,
It toch wi aat so diip.
(KUOROS)
Yu sen yu Son fi wi;
Di ransom set wi frii.
So nou wi sing tugeda,
Se: “Tangks fi sen yu Son fi wi.”
(LAAS PAAT)
Jeuova, wi Faada, wi tangk yu fi di uop.
Wi tangk yu fi sen yu preshos Son kom ded fi wi.
