Xaṭi. Ulac di tuddsa-nneɣ wid yessenqaden kra n isura (lfilmat), kra n yedlisen neɣ kra n ccnawi bac ad ẓren anwi umi glaq a nexḍu. Acimi?

  Adlis Iqedsen yeţweṣṣi yal yiwen ad yissin amek ara “imeyyez” weḥd-es bac ad yizmir ad yexdem lferq ger lxiṛ d cceṛ.​—Iɛebṛaniyen 5:14.

  Adlis Iqedsen yeţmuddu-d kra n imenzayen iɣef ara imeyyez yal amasiḥi m’ara yextiṛ ayen swayes ara yezhu. a Ama deg wannect-a ama deg wayen nniḍen, “[neţmuqul] ayen yeţţeɛǧaben Ssid.”​—Ifasusiyen 5:10.

  Adlis Iqedsen yesselmad belli d iqerra n twaculin iwumi geţţunefk ad ḍebbren ɣef twaculin-nsen. Zemren ihi ad ṭṭfen leqrar ad ḥeṛṛmen i wat yexxamen-nsen kra n ṣṣenf n zzhu. (1 Ikurintiyen 11:3; Ifasusiyen 6:1-4) Yiwen ur yesɛi lḥeqq ad iḍebber ɣef wid ur nelli ara si twacult-is w’a sen-yini belli asaru-yinna, ccna-yinna neɣ afennan-inna ur yelhi ara i wid yellan di tejmaɛt n Inagan n Yahwa.​—Igalatiyen 6:5.