Ĩvuku, ‘Ona Nchi Nzuri’ nĩ ĩvuku yĩ na Mevu sya kũndũ kũla kũwetetwe Mbivilianĩ na no iũtetheesye ũkatanĩa mũnango yĩla ũkwĩmanyĩsya we mwene. Mbivilia nĩwetaa ĩũlũ wa isio mbingĩ syĩ kĩvathũkanyʼo, o vamwe na ndũa na nthĩ syĩ kĩvathũkanyʼo. Kũtũmĩa mevu isu no kũũtetheesye kũelewa mũnango yĩla ũũsoma Mbivilia kana ũkwĩmanyĩsya. Ĩvuku, ‘Ona Nchi Nzuri’ no yĩũtetheesye kũkũna visa kĩlĩkonĩ na kũmanya nesa kũla maũndũ mana mawetetwe Mbivilianĩ meekĩkie. O na ĩngĩ, no yĩũtetheesye kũelewa kũndũ kwĩ kĩvathũkanyʼo na maũndũ ala meekĩkie isionĩ isu.

Ĩvuku, ‘Ona Nchi Nzuri’ yusĩe mevu syĩ malangi me kĩvathũkanyʼo na kyati syonanĩtye kũndũ kwĩ kĩvathũkanyʼo. Mevu isu syĩthĩawa na mĩsolo na syĩndũ ingĩ itonya kũũtetheesya ũtanĩe yĩla ũkwĩmanyĩsya.

Mevu sya kũndũ kũla kũwetetwe Mbivilianĩ no ikũtetheesye

• ũmanye kũndũ kũla Avalaamu, Isaka, na Yakovo maendie

• wone nzĩa ĩla Aisilaeli mesĩle maumĩte Misili maendete Nthĩ ya Watho

• wone kĩsio kĩla Aisilaeli maĩ na isio sya mbaĩ ila syaĩ amaitha moo

• wone kũndũ kũla Yesũ waendie aitavanyʼa

• wone ũnene wa isio ila iwetetwe Mbivilianĩ, o vamwe na Mbaviloni, Ngiliki, na Lomi

No ũkwate ĩvuku, ‘Ona Nchi Nzuri’ Indanetinĩ kwa kĩthyomo kya Kĩswaili.