«Тхьэм фыщелъэІукІэ, куэдыщэ жывмыІэ» (Маттэ 6:7).

ГукІэ зэдгъэщІа тхьэлъэІухэр жытІэну е ахэр тхылъ гуэрым къидджыкІыну Иеговэ хуейкъым. Ар хуейщ ди гум къыбгъэдэкІыу абы депсэлъэну. Уэ уи гуапэ хъунут уи ныбжьэгъур гукІэ зэригъэщІа псалъэхэмкІэ махуэ къэс къопсалъэу щытамэ? ЗэныбжьэгъуфІхэр я гум къыбгъэдэкІыу зопсалъэ. Аращи, уэри уи гум къыбгъэдэкІыу Алыхьым епсалъэ икІи узыгъэгузавэ псори бгъэдэлъхьэ.

«Тхьэм фелъэІуми, зыри къывитыркъым, Іеягъ фигу илъу» фолъэІури (Екъуб 4:3).

ДауикІ, цІыхур Алыхьым ифІэмыфІ гуэркІэ абы елъэІумэ, ар абы къыхуищІэнукъым. Казином ахъшэ къихьыну цІыхур елъэІумэ, Иеговэ апхуэдэ тхьэлъэІум жэуап иритыну? ДауикІ, иритынукъым, сыт щхьэкІэ жыпІэмэ Иеговэ нэпсейуэ дыщымытыну икІи ехъулІэныгъэм и тхьэм дыщымыгугъыну дегъасэ (Исаия 65:11; Лука 12:15). Алыхьым ди лъэІухэм жэуап иритын щхьэкІэ, ахэр техуэу щытын хуейщ БиблиемкІэ абы къыджиІэм.

 «Тхьэм и Хабзэ едэІуну зыщызыдзейм и тхьэлъэІури гущыкІыгъуэщ» (Притчи 28:9, Гъэсэпэтхыдэхэр).

Пасэрей зэманым щыгъуэ Алыхьым абы и хабзэхэр зымыгъэзащІэ цІыхухэм я тхьэлъэІухэм жэуап ириту щытакъым (Исаия 1:15, 16). Алыхьым зихъуэжакъым (Малахия 3:6). Иеговэ ди тхьэлъэІухэм жэуап къритын щхьэкІэ, абы и хабзэхэр дгъэзэщІэн хуейщ. Ауэ япэм гуэныхь гуэрхэр пщІауэ щытамэ-щэ? Абы къикІыу пІэрэ Иеговэ афІэкІа зэи къомыдэІуэну? ДауикІ, къикІкъым. Алыхьым Іэмал имыІэу къыпхуигъэгъунущ, гуэныхь пщІахэм ухущІегъуэжмэ икІи абы и гур бгъэгуфІэн щхьэкІэ къарууэ уиІэр епхьэлІэмэ (Апостолхэм 3:19).