Aayɩ. Ðɛ-ɛgbɛyɛ ɛɛtazɩɣ filimwaa, takayɩsɩ nɛ hendu ndɩ ndɩ taa se ɖɩna ndʋ tɩfɛyɩ ɖeu yɔ nɛ ɖikizini-tʋ ɛgbɛyɛ taa mba. Ɛbɛ yɔɔ?

 Bibl seɣtiɣ paa anɩ se ɛfalɩsɩ ɛ-maɣzɩm nɛ ɛ-maɣmaɣ ɛtɩlɩ mbʋ pɩkɛ kɩbam nɛ mbʋ pɩkɛ kɩdɛkɛdɩm yɔ.—Ebree 5:14.

 Bibl haɣ paɣtʋ kila wena apɩzɩɣ nɛ asɩnɩ Krɩstʋ tʋ nɛ ɛna se aleɣya wena ɛcaɣ labʋ yɔ, awɛ ɖeu yaa afɛyɩ ɖeu Ɛsɔ ɛzɩdaa yɔ. a Ɛzɩ ɖe-wezuu caɣʋ hɔɔlɩŋ lɛɛŋ taa yɔ, ɖɩsɔɔlaa se ɖɩla “mbʋ piɖeɣni Kɩbaɣlʋ yɔ.”​—Efɛɛzɩ 5:10.

 Bibl wɩlɩɣ se hɔŋ ñʋndɩnaa wɛnɩ ɖoŋ hɔʋ taa, nɛ pʋyɔɔ lɛ, papɩzɩɣ nɛ pakpaɣ lɩmaɣza se pataala aleɣya naayɛ pɔ-hɔʋ taa. (1 Kɔrɛntɩ 11:3; Efɛɛzɩ 6:1-4) Pa-wayɩ lɛ, nɔɔyʋ tatasɩ wɛnʋʋ waɖɛ se ekizini lɛlʋ filimwaa nabɛyɛ, hendu natʋyʋ yaa aleɣya naayɛ se afɛyɩ ɖeu se ɛgbɛyɛ taa mba ɩlabɩ-yɛ.​—Galaatɩ 6:5.