KÁNTIKU 92
Un lugar pa lova bu nómi
(1 Crónicas 29:16 )
-
1. Jeová Deus, nu sta djuntu oji
Pa ntrega‿es lugar na bu mô,
Ki gósi ta leba bu nómi
I ta traze ónra pa bo.
Foi un priviléjiu txeu grandi
Ten párti na se konstruson,
Ku kuzas, ku forsa i ténpu
Ki é na verdadi di bo.
(KORU)
Jeová, nu ta da-u es lugar
Pa bu ser konxedu n’el.
Nu ta ntrega es lugar,
Ó Jeová, seta-nu el.
-
2. I gósi nu krê faze tudu
P’es lugar sagradu lova-u,
Pa kes ki é mansu ten gana
Di txiga pa ben adora-u.
Pamodi el é pa bu nómi,
Nu ta kuida d’el ku amor,
P’el ser sima un tistimunha
Ki é pa da-u ónra‿i lovor.
(KORU)
Jeová, nu ta da-u es lugar
Pa bu ser konxedu n’el.
Nu ta ntrega es lugar,
Ó Jeová, seta-nu el.
(Odja tanbê 1 Reis 8:18, 27 ; 1 Cró. 29:11-14; Atos 20:24.)