Sin, pamodi Deus krê pa pesoas djunta pa adora-l. Bíblia ta fla: ‘I nu pensa na kunpanheru pa nu insentiva kunpanheru pa amor i pa bons óbra, ka nu dexa di sta na runion’. — Hebreus 10:24, 25, nóta.

 Jizus mostra ma se sigidoris ta staba na un grupu organizadu kantu ki el fla: ‘Através di kel-li tudu algen ta fika ta sabe ma nhos é nha disiplus: si nhos ten amor pa kunpanheru.’ (João 13:35) Un manera di disiplus mostraba kel amor, é óras ki es ta djuntaba ku ses irmon na fé. Es ta staba organizadu na kongregasons i sénpri es ta djuntaba pa adora Deus. (1 Coríntios 16:19) Djuntu, es ta formaba un família na mundu interu. — 1 Pedro 2:17.

É más di ki sô faze párti di un relijion

 Bíblia ta fla ma algen debe djunta pa adora Deus. Má el ka ta inxina ma pa un algen agrada Deus, sô faze párti di un relijion ta txiga. Pa un algen resebe aprovason di Deus, se relijion debe djuda-l midjora se vida. Pur izénplu, Bíblia ta fla: ‘Kel tipu di relijion ki é puru i sen mantxa pa nos Deus i Pai, é kel-li: kuida di órfus i di viúvas na ses difikuldadi, i mante sen mantxa di mundu.’ — Tiago 1:27, nóta.