TELAMA! No. 2 2018 | Mambu 12 Yina Ke Salaka nde Mabuta Kuvanda na Kiese
Mambu 12 Yina Ke Salaka nde Mabuta Kuvanda na Kiese
Beto ke waka mambu mingi ya mbi ya ke salamaka na mabuta yina ke vandaka ve na kiese. Kansi, inki mambu ya mbote ke salamaka na mabuta yina ke vandaka na kiese?
Banda na mvu 1990 tii na mvu 2015, ntalu ya makwela yina fwaka na Etats-Unis kumaka mingi; yo vandaka mbala zole kuluta sambu na bantu yina kele ti bamvula 50 mata mpi mbala tatu kuluta sambu na bantu yina kele ti bamvula 65 mata.
Bibuti ke zaba ve nki bo fwete sala: Bantu ya nkaka ya mayele ke yindulaka nde sambu na kusadisa bana yo kele mbote na kukumisa bo mbala na mbala, kansi bankaka ke yindulaka nde yo kele mbote na kusadila bo mambu na nku.
Batoko ke na kukuma bambuta kansi bo ke zaba ve mambu yina bo fwete sala sambu na kununga.
Kansi, kieleka kele nde . . .
Makwela lenda vanda na kiese mpi kuzinga mingi.
Bibuti lenda zaba mutindu ya kulonga bana na bo na zola yonso.
Batoko lenda longuka mambu yina bo ta vanda na yo mfunu ntangu bo ta kuma bambuta.
Inki mutindu? Nimero yai ya Telama! ta tubila mambu 12 yina ke salaka nde dibuta kuvanda na kiese.
1: Kukangama na Makwela
Bandongisila tatu ya mfunu yina lenda sadisa bankwelani na kulanda kukangama na makwela.
2: Kusala Kumosi
Keti nkwelani na nge ke vandaka kaka bonso muntu yina ke zingaka shambre mosi ti nge?
3: Luzitu
Zaba bangogo mpi bisalu yina kele mfunu sambu na kuzaba kana nkwelani na nge ke bakisaka nde nge ke zitisaka yandi.
4: Kulolula
Inki lenda sadisa nge na kulolula nkwelani na nge?
5: Kusolula
Mambu tatu ya mfunu yina lenda sadisa beno na kusolula mbote ti bana na beno.
6: Disipline
Keti disipline ke salaka nde mwana kudimona kukonda mfunu?
7: Minsiku
Inki minsiku nge fwete longa bana na nge?
8: Mbandu
Kana nge ke zola nde mambu ya nge ke tubaka kusimba ntima ya bana na nge, yo fwete wakana ti mambu ya nge ke sala.
9: Kimuntu
Inki mutindu baleke lenda nwanina balukwikilu na bo?
10: Masonga
Kana bibuti na nge ke tudila nge ntima, yo ta sadisa nge na kuyela mbote.
11: Kikesa
Kulonguka kusala bisalu ya ngolo ntangu nge kele leke lenda sadisa nge na kununga na kusala mambu yonso na luzingu.
12: Balukanu
Kulungisa balukanu lenda sala nde nge kuma kuditudila ntima, nge kuma ti banduku mingi, mpi nge vanda na kiese ya mingi.
Bandongisila ya Nkaka Sambu na Mabuta
Bandongisila ya Biblia lenda sadisa nge na kuvanda ti makwela mpi dibuta ya kiese.
