Зәбүр 46:1—11
Ән-күй жетекшісіне. Қорах ұлдарының жыры+. Аламот* мәнерінде айтуға арналған. Ән.
46 Құдай — біздің панамыз әрі күшіміз+,Қиын кезде жанымыздан табылар көмекшіміз+.
2 Сондықтан да жер дүмпісе де,Таулар теңіз тұңғиығына құласа да, біз еш қорықпаймыз+.
3 Теңіз суы буырқанып, көбік шашса да+,Таудың жартастары шайқалса да, еш шошымаймыз. (Села)
4 Өзен салалары Құдайдың қаласын+,Алла Тағаланың киелі де ұлы шатырын қуантады.
5 Құдайдың өзі осы қалада+, сондықтан ол еш құламайды.
Таң сәріден Құдай оған көмекке келіп, қолдайды+.
6 Ұлттар мазасыздана толқыды, патшалықтар күйреді,Құдай дауыстап еді, жер балқып кетті+.
7 Әскербасы Ехоба бізбен бірге+,Жақыптың Құдайы — қауіпсіз панамыз. (Села)
8 Келіп, Ехобаның істеріне,Жер бетінде қандай таңғаларлық істер жасағанына куә болыңдар.
9 Ол күллі жержүзіндегі соғыстарды тоқтатады+,Садақты сындырып, найзаны да быт-шыт қылады,Соғыс арбаларын* отқа жағып құртады.
10 Ол былай дейді: “Бағыныңдар, менің Құдай екенімді біліңдер!
Мен халықтар арасында асқақтаймын+,Жер бетінде шарықтаймын+!”
11 Әскербасы Ехоба бізбен бірге+,Жақыптың Құдайы — қауіпсіз панамыз+. (Села)
