NAPPAATEQARTUARNEQ INNARLUUTEQARNERLU INUUNERMUT SUNNIUTEQANGAARTARPOQ. Angut Ulfimik atilik peq­qis­suul­lunilu suliumatuujusimasoq nukil­laarsimasun­ngor­nermi kingor­na ima oqar­poq: “Isumatsarujus­suar­punga. San­ngiil­lil­lungalu nikal­lor­punga ... ‘Suujun­naar­tutut’ misigivunga.”

Ulfip misigisaa eq­qaasin­neqaatigaar­put arlaan­nat­taluun­niit peq­qis­suunis­sani qulak­keersin­naan­ngik­kaa. Peq­qiil­liuutaasin­naasul­li ingalas­simaniarsin­naavavut. Aam­ma peq­qiil­liuuteqaraluarluta pil­luarsin­naavugut. Qanoq? Misis­sueriar­ta. Siul­lermil­li peq­qis­suujuarumal­luta najoq­qutas­siat maleruarsin­naasavut eq­qarsaatigeriar­tigit.

‘INGASAASSINAVEERSAARTUUGIT.’ (1 Timotheusi 3:2, 11) Nerival­laar­tar­neq imer­pal­laar­tar­nerlu peq­qin­nar­natil­lu taamaalior­neq akisoqaaq. “Ilaginiaqinagit viin­nisor­pal­laar­tut, imaluun­niit taak­ku ingasat­tumik neqitor­tut, imer­pal­laar­tut nerival­laar­tul­lu piitsun­ngor­tus­saap­put.” – Us­satit 23:20, 21.

TIMIT MINGUTSEQINAGU. “Timimi anersaamilu minguk tamaat piias­savar­put.” (2 Korinthimiut 7:1) Sukuloor­nik­kut pujor­tar­nik­kul­lu imaluun­niit imigas­samik ikiaroor­nar­tumil­lu ator­nerluinik­kut timi mingutsin­neqar­tar­poq. As­sersuutigalugu pujor­tar­neq “nap­parsimalersitsisarlunilu timip pisataanut tamangajan­nut ajoqutaavoq”, USA-mi peq­qin­nis­saqar­nik­kut oqar­tus­saasut al­lap­put.

INUUNERIT ERLINNARTUTUT ISIGIUK. ‘Guutimi inuuvugut anersaar­torlutalu atal­lutalu.’ (Apustilit Suliaat 17:28) Guutimit pin­ngor­titaaner­put pingaar­tik­katsigu suligut­ta, biilerut­ta aliik­kutaqarut­taluun­niit pisariaqan­ngitsumik navianar­torsior­naveersaar­tar­pugut. Sivikitsumik pis­sanganar­torsior­neq inuunit­ta sin­nerani ajoqutis­sarsif­figigutsigu sianiil­lior­nerus­saaq!

MISIGISSUTSIT NIKALLORNARTUT AQUKKIT. Misigis­sutsit timimut sun­niuteqangaar­tar­put. Isumakulup­pal­laar­neq, kamaam­mer­neq, sin­nganeq misigis­sutsil­lu ajoqutaasut al­lat ingalas­simak­kit. “Kaman­naveersaar­niarit uumitsat­tarun­naarlutil­lu,” Tus­siaat 37:8-mi al­las­simavoq. Aam­ma ima al­las­simasoqar­poq: “Aqagus­saq isumakuluutigeqinasiuk; aqagus­saq nam­mineq piminik isumakuluutis­saqas­saaq.” – Mat­thæusi 6:34.

 ISUMALLUARNARTUMIK EQQARSARTAASEQARIT. “Uip­pal­liaan­neq timip inuum­maris­sis­sutigisar­paa.” (Us­satit 14:30, Testamentitoqaq 1990-imi naqitigaq) Biibilimi aam­ma ima al­las­simavoq: “Uum­matik­kut nuan­naar­neq peq­qin­nar­tuuvoq.” (Us­satit 17:22) Taman­na ilisimatusar­nik­kut up­per­narsineqarsimavoq. Nakorsaq Skotlandimiu ima oqar­poq: “Pil­luarlutit inuuguit pil­luaatsunin­ngar­nit siunis­sami timik­kut nap­parsiman­ngin­nerunis­sat ilimanar­neruvoq.”

NIKALLUJUINNEQ INERIARTORTIGUK. Ulf eq­qaaneqareersoq as­sigalugu naam­magiin­nar­tariaqak­katsin­nik erloqis­suteqarsin­naavugut. Atuk­katsin­nul­li qanoq isigin­nit­taaseqas­sanerluta aalajangersin­naavugut. Ilaat nikal­lorujus­suar­tar­put, atuk­kamin­nik ajor­nerulersitsil­lutik. “Ul­lormi an­nikil­liorfiusumi sapiis­suseeruk­kuit taava nukitit an­nikil­lis­sap­put,” Us­satit 24:10-mi al­las­simavoq.

Al­lat nikal­loq­qaariarlutik naleq­qus­saler­tar­put. Qanoq iliorsin­naanerlutik paasisar­paat. Ulf taamaalior­poq. Oqar­poq qinusareerluni tusarlius­sarlu isumal­luar­nar­toq Biibilimeersoq eq­qarsaatigeq­qis­saar­tareerlugu “iliuuseqarfigisin­naan­ngisani kisiisa nak­kutigiun­naarlugit periarfis­sat takusin­naalerlugit”. Aam­mat­taaq al­lat misilin­neqangaar­tut as­sigalugit misigin­neqataaneq ilik­kar­paa, taman­nalu tusarlius­sap tup­pal­ler­nar­tup Biibilimeersup al­lanut oqalut­tuarinis­saanut kajumis­sis­sutigaa.

Naal­liungaarsimasoq al­la, Steve, 15-inik ukioqarluni ajutoor­nermi qungatsiminiit am­mut nukil­laarsimasun­ngor­poq. 18-inik ukioqarluni talini atoq­qis­sin­naaler­pai. Universitetimi ilin­nialer­poq, tas­sanilu ikiaroor­nar­tumik imigas­samil­lu ator­nerluisalerlunilu kinguaas­siuutitigut inuunerluler­poq. Biibili atuaq­qis­saar­taleramiuk aatsaat neriuuteqaler­poq, taman­nalu inuunermut isigin­nit­taatsiminik al­lan­nguis­sutigalugu ileq­qupalaaminik akiuinis­saminut iluaqutigaa. Ima oqar­poq: “Kiisami inuunera siuner­taqaler­poq. Maan­na eq­qis­sil­lunga, pil­luarlunga nalerisimaarlungalu inuuvunga.”

Stevep Ulfil­lu oqaasii Biibilimi al­las­simasunik eq­qaasin­neqaatigaavut: “Naalak­kap inatsisai in­narluitsuup­put, tar­nimik tuman­nguersaasar­put. ... Naalak­kap maleruagas­siai naaper­tuil­luar­tuup­put, uum­mam­mik nuan­naar­titsisar­put. Naalak­kap peq­qus­sutai piviusuup­put, isinik qaamaneqalersitsisar­put.” – Tus­siaat 19:8, 9.