BIIBILI ILISIMATUSARNERMUT ILINNIUTAANNGILAQ, IMAQARPORLI AATSAAT KINGUSINNERUJUSSUAKKUT PAASINEQARTUNIK. ASSERSUUTEQARIARTA.

Silarsuaq takussaasoq aallartiffeqarpa?

Ilisimatuut nuimasut isumaqarsimagaluar­put akis­sut naamiusoq. Maan­na silarsuaq aal­lar­tif­feqarsoraat. Taman­na qangarsuarli Biibilimi al­las­simavoq. – 1 Mosesi 1:1.

Nunarsuaq qanoq iluseqarpa?

Itsaq inup­pas­suit isumaqarsimap­put nunarsuaq am­malor­tuunani toq­qis­suusoq. Kr.in.si. 400-k­kun­ni ilisimatuut grækerit nunarsuaq am­malor­tuunerar­paat. Siusin­nerujus­suak­kul­li – Kr.in.si. 700-k­kun­ni – Biibilimik al­lat­tup Esajap nunarsuaq pil­lugu oqaaseq ‘kaajaluisaq’, aam­ma ‘am­malor­tumik’ nutser­neqarsin­naasoq, ator­paa. – Esaja 40:22, tastamantitoĸaĸ.

Qilaat takussaasut aseroriartorpat?

Aristoteles ilisimatooq grækereq, Kr.in.si. 300-k­kun­ni inuusoq, isumaqar­poq nunarsuaq kisimi aseroriar­tor­toq ul­loris­sal­li al­lan­ngun­ngisaan­nar­tut aseroriar­tun­ngisaan­nar­tul­luun­niit. Ukiuni hundredelip­pas­suar­ni taama isumaqar­toqar­poq. 1800-k­kun­nili ilisimatuut entropimik taaneqar­tumik najoq­qutalior­put. Oqar­put suut tamarmik, qilam­miit­tut nunarsuarmiit­tul­lu, aseroriar­toq­qajaasut. Ilisimatuut taak­kua ilaata, Lord Kelvinip, malugaa qilak nunarsuarlu pil­lugit Biibilimi ima al­las­simasoqar­toq: “Tamarmik an­noraaminer­tut nungul­lariar­tor­put.” (Tus­siaat 102:26, 27) Kelvinip up­peraa Biibilip al­las­simaneratut Guutip pin­ngor­titani aserutsaalisin­naagai. – Oqaluus­sisar­tup oqaasii 1:4.

Planetit, soorlu nunarsuaq, sumit nikitsaalineqarpat?

Aristoteles isumaqar­poq planetit iluleriiaarlutik tamarmik akimut ersit­tuni am­malor­tumiit­tut nunarsuarlu ilorler­paajusoq. Kr.in.king. 1700-k­kun­ni ilisimatuut akueraat ul­loris­sat planetil­lu silaan­narmi soqan­ngitsumiit­tut. Ukiul­li 3.000-t tamatuma sior­na Jobimik al­lak­kani al­las­simareer­poq Pin­ngor­titsisup ‘soqan­ngitsup qulaanut nivin­ngarai’. – Jobi 26:7.

BIIBILI NAKORSAANERMUT ILITSERSUUTAANNGIKKALUARLUNI NAKORSAANERMIK ILISIMATUSARNERMUT NAAPERTUUTTUNIK NAJOQQUTASSIAQARPOQ.

Inunnik napparsimasunik avinngarusimatitsineq.

Mosesip inatsisaani piumasarineqar­poq inuit pupis­sut inun­nit al­lanit im­mik­koor­titaas­sasut. Ukiuni akul­ler­ni nap­paalanersuaqar­nerani aatsaat nakorsat paasivaat najoq­qutas­siap tamatuma iluaqutaanera, sulilu iluaqutaasorineqar­poq. – 3 Mosesi, kapitali 13-14.

Toqungasumik attuereerluni errortorneq.

1800-k­kut tikil­lugit nakorsat toqungasup timaanik pas­sus­seriarlutik error­toq­qaaratik nap­parsimasoq pas­sut­tar­paat. Taamaalior­tar­neq inup­pas­suit toq­qutigaat. Mosesil­li inatsisaani al­las­simavoq toqungasumik at­tuisoq kinaluun­niit pal­lorfigin­nin­nermut tun­ngatil­lugu mingut­tuujusoq. Al­laat al­las­simavoq minguiar­nermi taama it­tumi imeq ator­neqas­sasoq. Up­perisarsior­nermi ileq­qut tamak­ku aam­ma peq­qin­nis­samut iluaqutaap­put. – 4 Mosesi 19:11, 19.

Igitassanik igitsineq.

Ukiut tamaasa meeq­qat 500.000-nit amerlanerusut tim­min­neq toq­qutigisar­paat, amerlaner­tigut inuit anaat eq­qor­tumik igin­neqar­neq ajormata. Mosesip inatsisaani al­las­simavoq inuit anaat nunamut il­lunit ungasis­sumut matoor­neqas­sasut. – 5 Mosesi 23:13.

Qaqugukkut kipineqarneq.

Guutip inatsisai naaper­torlugit nukap­piaraq inun­ngor­nermi kingor­na ul­lut arfineq-pingajus­saan­ni kipineqas­saaq. (3 Mosesi 12:3) Naalungiarsuit aatsaat arfineq-marlun­nik ul­loqaleraangata aavi iluamik is­sorsin­naaler­tar­put. Biibilip nalaani siuarsimasumik suli nakorsaariaaseqan­ngim­mat kipineqar­nis­sap sapaatip-akun­neranik utaq­qis­sun­nera il­lersuutaal­luar­poq.

Misigissutsit timimut sunniinerat.

Nakorsaariaatsinik misis­suisar­tut ilisimatuul­lu oqaatigaat misigis­sutsit isumal­luar­nar­tut, soorlu nuan­naar­neq, neriun­neq, qujamasun­neq isumak­keerfigin­nik­kumanerlu, peq­qin­nar­tuusut. Biibilimi ima al­las­simavoq: “Uum­matik­kut nuan­naar­neq peq­qin­nar­tuuvoq, nikal­lunganerul­li saar­ngit is­seerutitit­tar­pai.” – Us­satit 17:22.