Sooq inuit toqusarpat?
Akissut Biibilimeersoq
Pingaartumik qanigisatsinnik toqusooraangatta inuit toqusarnerannut suna pissutaanersoq eqqarsaatigissallugu pissusissamisoorpoq. Biibilimi ima allassimavoq: “Toqup iguutaa tassa ajorti.” – 1 Korinthimiut 15:56.
Sooq inuit tamarmik ajortuliortarlutillu toqusarpat?
Inuit siulliit, Adami Evalu, Guutimut ajortulioramik toqupput. (1 Mosesi 3:17-19) Guuti ‘inuunerup puilaffigimmagu’ taassumunnga pikitsitsinerat taamaallaat toqumik kinguneqarsinnaavoq. – Tussiaat 36:10; 1 Mosesi 2:17.
Adamip ajorti kinguaaminut tamanut ingerlateqqippaa. Biibilimi allassimavoq “inukkut ataasiinnakkut ajorti silarsuarmut tikiuttoq ajortikkullu toqu tikiulluni, taamatut toqu inunnut tamanut annguppoq tamarmik ajortuliormata”. (Romamiut 5:12) Inuit tamarmik ajortuliortaramik toqusarput. – Romamiut 3:23.
Toqu qanoq atuukkunnaarsinneqassasoq
‘Toqup nungutinneqarnissaa piujunnaarsivillugu’ Guutip neriorsuutigaa. (Esaja 25:8) Taamaaliorumalluni toqusoqartarneranut pissutaasoq, tassa ajorti, atuukkunnaarsittariaqarpaa. Jiisusi Kristusi, “silarsuup ajortaanik nammattoq,” aqqutigalugu Guuti taamaaliussaaq. – Johannesi 1:29; 1 Johannesi 1:7.