Naamik. Akut­tun­ngitsumik matumiit matumut oqaluus­se­qataasar­pugut, isumaqan­ngilagul­li taamaalior­tar­ner­put pis­sutigalugu an­naan­ne­qas­sal­luta. (Efesosimiut 2:8) Sooq?

 As­sersuut una eq­qarsaatigiuk: Takorlooruk angut tuk­kor­toq neriorsuisoq inuit sumiif­fim­mi pif­fis­samilu aalajanger­simasumiit­tut tamaasa tunis­sum­mik akisuumik tuniumaarlugit. Angutip neriorsuutaa up­peril­luin­naruk­ku qular­nan­ngitsumik ilitsersuus­sutai maleruas­savatit. Aam­ma ilimanar­poq ikin­ngutitit ilaqut­tatil­lu neriorsuut pil­lugu oqalut­tuu­tis­sagitit tamatumin­nga iluaqutigin­nin­nias­sam­mata. Imaan­ngilarli angutip ilitsersuus­sutaanik maleruaanerit pis­sutigalugu tunis­sut pisas­sarilerit. Tunis­sutisi­nis­san­nut pis­sutaasoq tas­saavoq angutip tuniserusun­nera.

 Taamatut­taaq Jehovap Nalunaajaasuisa up­peraat Guutip im­minut naalat­tut tamaasa inuunermik naas­saan­ngitsumik tunis­sagai. (Romamiut 6:23) Inuit al­lat Guutip neriorsuutaanik iluaqutigin­nin­nis­saat neriuutigigatsigu up­perisar­put inoqatitsin­nut oqalut­tuari­sar­par­put. Isumaqan­ngilagul­li oqaluus­se­qataasar­nitsigut an­naan­neqar­sin­naal­luta. (Romamiut 1:17; 3:28) Inum­mi kinaluun­niit pil­luaq­qus­sum­mik taama an­ner­tutigisumik Guutimit tunineqa­rumal­luni nam­mineq iliuuseqar­sin­naan­ngilaq. “Taas­suma an­naap­paatigut imaan­ngitsoq iluar­tulior­simagat­ta, kisian­ni nal­lit­tuis­sutsi pis­sutigalugu.” – Titusi 3:5.