KALA KUMESU AZELE!
Ihi Izwela o Bibidya Yalungu ni Kutema Kwavulu mu Ngongo?
Mu mbeji ya Kavwa ka 2022 ambe kwila, ku mundu woso o kutema kwavudile kyavulu:
“Ku mbeji yiyi luyadi kyá o nguvulu mu ixi ya China amudimuna o athu mu kwila mu 70 a jimbanza mwandatema kyavulu mu ukexilu ubhanga kyayibha ku athu.”—Kavwa 25, 2022, CNN Wire Service.
“Kuma mu kibatu kyoso kya Europa kwamutema kyavulu, mu jixi javalu o mixitu yamukwata tubhya.”—Kavwa 17, 2022, The Guardian.
“Kya Lumingu, mu jimbanza javulu mu ixi ya Estados Unidos mwatemene kyavulu. Kiki nuka kyabhitile. O kutema kuku kwadimwange mu Costa Leste ni mu jimbandu ja Lwiji ni mu Centro-Oeste.”—Kavwa 24, 2022, The New York Times.
Ima yoso yiyi ilombolola ihi? O kwila kizuwa kitwanda tena kukala mu ngongo mukonda dya kutema? Ihi izwela o Bibidya?
O kwila o kutema mu ngongo akixindile kyá mu Bibidya?
Kyene, akixindile kyá. O kutema kutwene mumona mu ngongo kwadilungu ni ima itanga o Bibidya kwila yandabhita mu izuwa yetu. Mu kifika, Jezú watange kwila tweji mona “ima ikwatesa woma” mba isunji. (Luka 21:11) O kutema kwavulu mu ngongo kwamubhangesa athu avulu kukala ni woma wa kwila athu andazanga o ixi.
O kwila o ixi yandabwika?
Kana. Nzambi wabhange o ixi phala athu kukalamu. (Jisálamu 115:16; Ndongixi 1:4) Mwene kanda kwehela athu kuzanga o ixi. Mu veji dya kiki, mwene wanda “kubwikisa yó ene mu bwikisa o ixi.” Kyene kyatange mwene.—Dijingunwinu 11:18.
Tanga ngo hanji ikanenu iyadi ilondekesa ihi yandabhanga Nzambi ku ixi:
“Ni kikangalakata ni ididi ya kukuta ya ká sangulukila kyenyiki; dinyana dya ká tana, anga ditulula kala diloza.” (Izaya 35:1) Nzambi kanda kwehela kwila o ixi ikituka kikangalakata kifidisa athu kukalamu. Maji mwene wandayudika o ima yoso ya zanganya.
“Ixi u i zungila, u i tekela; u sweka jimbongo javulu mu mavu.” (Jisálamu 65:9) Mukonda dya mabesá a Nzambi, o ixi yandakituka palayizu.
Phala kwijiya dingi kyebhi o ima yamulunguluka mu ngongo yamukumbidila yoso yaxindile kyá o Bibidya, tanga o mbandu “Mudanças climáticas e o futuro da humanidade — O que a Bíblia diz?”
Phala kwijiya dingi yalungu ni ikanenu ya Bibidya ya kwila o ixi yanda yuka dingi, tanga o mbandu “Quem vai salvar a Terra?”
Eye Nange Wandawabhela we o Maka Yá
ESSENTIAL BIBLE TEACHINGS
Mukonda Dyahi Nzambi wa Bhange o Ixi?
Ngongo yetu yezala ni kuwabha. Ki i zukama lwavulu ku dikumbi, dyala mu kididi kya tokala, yene i nyunga mu kizongelu kya tokala. Mukonda dyahi Nzambi wa yudika kyambote o ixi?
IBHWIDISU YA BIBIDYA YO TAMBWIJILE
O Kwila o Ixi Anda Ibwika?
O Bibidya ijimbulula kyambote o ikanenu ya Nzambi phala o ixi.
MILONGI YA BIBIDYA
Fikisa Kudilonga o Bibidya N’etu
Dilonge o Bibidya ni kikwatekesu kya mulongexi, eye kubhingi kufuta kitadi.
