Ibhuidisu ia Bibidia io Tambuijile
O kuila jingeleja joso ji bhana kijingu kua Nzambi?
Mu kuívua o minangu ia mundu mu mitelembe, nange ua mono kiá kuila saí ithangana o athu ene mu bhanga ima ia iibha mu dijina dia ngeleja. Ko jingeleja joso ji longa o kidi kia lungu ni Nzambi. (Matesu 7:15) Kienhiki, mundu uavulu ene mu u nganala.—Tanga 1 Nzuá 5:19.
Maji, Nzambi uejiia o athu a lenduka o mixima, a uabhela o ima ia uabha ni kidi. (Nzuá 4:23) Nzambi ua mu kuixana o athu phala ku di longa o kidi kiala mu Maka mê, o Bibidia.—Tanga 1 Timote 2:3-5.
Kiebhi ki u tena kuijiia o ubhezelu ua kidi?
Jihova ua mu bhongolola athu a tundu mu jingeleja javulu mu ku a longa o kidi ni mu ku a longa o ku di zola mudiâ. (Mikeia 4:2, 3) Maji eie u tena kuijiia o abhezi a kidi, mukonda dia henda iene mudiâ.—Tanga Nzuá 13:35.
Jihova Nzambi ua mu bhongolola o athu oso ku ubhezelu ua kidi.—Jisálamu 133:1
O abhezi a kidi a dielela mu Bibidia ni ku belesela o itumu iê ku mienhu iâ. (2 Timote 3:16) Ene a xila ué o dijina dia Nzambi. (Jisálamu 83:18) Ene a boka kuila o Utuminu ua Nzambi, uene ngó u tena ku tumina o ixi. (Daniiele 2:44) Kienhiki, u tena kuijiia o abhezi a kidi kioso kia kunda o jivizinhu jâ ku mabhata phala ku a bokela o njimbu iambote ia Utuminu ua Nzambi.—Tanga Matesu 24:14; Ikalakalu 5:42; 20:20.
Eye Nange Wandawabhela we o Maka Yá
IBHWIDISU YA BIBIDYA YO TAMBWIJILE
O Kwila Jingeleja Joso Jadifwengo? O Kwila Jene Joso Jituzukamesa Kwa Nzambi?
Ima iyadi yotange mu Bibidya ikwatekesa kwijiya o kitambwijilu.
