Чьмки Йаһоԝа Хԝәдайе бәхтәԝар у хԝәзьли йә, ләма әԝ дьх­ԝазә, ԝәки малбәт бәхтәԝар бьн (1 Тимот′ейо 1:11). Йаһоԝа зәԝащ саз кьр. Зәԝаща бь ԛануни, бәхтәԝарийе тинә һьн мер у жьнр′а, һьн жи зар′ар′а. Әԝ к′и кӧ Хԝәде баԝәр дькьн, гәрәке бь ԛәдьр бьньһер′ьн ль сәр ԛанунед дәԝләте, дәрһәԛа ԛанункьрьна зәԝаще. Бьхунә Луԛа 2:1, 4, 5.

Ча Йаһоԝа Хԝәде дьньһер′ә ль сәр зәԝаще? Әԝ дьхԝазә, ԝәки зәԝащ демәк п′әвгьредана жьн у мер т′ӧ щар хьраб нәбә. Йаһоԝа Хԝәде дьхԝазә, ԝәки жьн у мер һьмбәри һәв амьн бьн (Ибрани 13:4). Һәвԛәтандьн бәр ч′ә′ве Йаһоԝа р′әш ә (Малахи 2:16). Ле һәгәр жьна кәсәки йан мере кәсәки ԛавийе бькә, т′әне ԝи чахи Йаһоԝа изьне дьдә, ԝәки ле бьԛәтә у т′әзәда бьзәԝьщә. Бьхунә Мәтта 19:3-6, 9.

Йаһоԝа Хԝәде мер у жьн ӧса ә′фьрандийә, ԝәки әԝана к′о­мәке бьдьнә һәв (Дәстпебун 2:18). Мер малхе мале йә, ләма жи әԝ гәрәке дәрһәԛа һ′әԝщед нәфәре мале хәм бькә. Ӧса жи әԝ гәрәке ԝана дәрһәԛа Хԝәде һин бькә. Мер гәрәке хԝә­һ′әз нибә у жьна хԝә ԝәкә хԝә һ′әз бькә. Мер у жьн гәрәке һәвдӧ һ′әз бь­кьн у ԛәдьре һәв бьзаньбьн. Чьмки һәр жьн у һәр мер гӧ­нәк′ар ә, ләма һәгәр әԝана һин бьн һәвдӧ бьбахшиньн әԝана ԝе бәхтәԝар бьн. Бьхунә Әфәси 4:31, 32; 5:22-25, 33; 1 Пәтрус 3:7.

Һәрге дь зәԝаща тәда чәтьнайи һәйә, һәр кәс жь ԝә гәрәке бь­хәбьтьн сәва кӧ һ′әзкьрьна ԝә һьмбәри һәв һәбә (1 Корьнт′и 13:4, 5). Хәбәра Хԝәде мә һин дькә, ԝәки һе баш ә проблемед зәԝаще пе һәвдурк′әтьне сафи нәкьн. Бьхунә 1 Корьнт′и 7:10-13.

Йаһоԝа Хԝәде дьхԝазә, ԝәки һун бәхтәԝар бьн. Әԝ ширәтед ӧса баш дьдә ԝә, ԝәки һун жь щьһалтийа хԝә ләзәте бьбиньн. Хԝә­де дьхԝазә, ԝәки тӧ гӧр′а де-баве хԝә бьки, чьмки әԝана билан ьн у дь ә′мьре хԝәда щер′ьбанди нә (Колоси 3:20). Йаһоԝа Хԝәде ӧса жи дьхԝазә, ԝәки тӧ ԛьрара Ә′фьрандаре хԝә бьԛә­дини у гӧр′а кӧр′е ԝи бьки, ԝәки шабуне бьстини. Бьхунә Ԝаиз 11:9-12:1; Мәтта 19:13-15; 21:15, 16.

Һун гәрәке т′ьме бьхәбьтьн, ԝәки хԝарьн, к′ьнщ у щи-сьт′ара зар′ед ԝә һәбә (1 Тимот′ейо 5:8). Сәва кӧ зар′ед ԝә бәхтәԝар бьн һун гәрәке ӧса жи ԝана һин кьн, ԝәки Хԝәде һ′әз бькьн у жь Хԝәде һин бьн (Әфәси 6:4). Зар′ чахе дьбиньн һун ча һ′әзкьрьна хԝә һьндава Хԝәде дьдьнә к′ьфше, әԝана мәсәле баш хԝәр′а һьлдьдьн. Ширәтед ԝәйи ль сәр һ′име К′ьтеба Пироз ԝе гәләк р′ьнд һ′ӧкӧм бьн ль сәр дьшьрмишбуна зар′ед ԝә. Бьхунә Ԛануна Дӧщари 6:4-7; Мәт′әлок 22:6.

Сәва зар′а к′ар ә чахе һун п′айа у һелана дьдьнә ԝан. Ле ԝанар′а ӧса жи һинкьрьн у ширәткьрьн лазьм ә. Һинкьрьна ԝә ԝе зар′ед ԝә жь һинкьрьнед нәр′аст хԝәй кә, к′ижан кӧ дькарьн шабу­не жь ԝан бьстиньн (Мәт′әлок 22:15). Ле фәсал бьн, ԝәки һинкьрьна ԝә гәлә һ′ьшк у бь дьлсари нибә. Бьхунә Колоси 3:21.

Шә′дед Йаһоԝа һьнә к′ьтеб нәшьр кьрьн, хут сәва кӧ али де-бава у зар′а бькә. Әв к′ьтеб ль сәр һ′име К′ьтеба Пироз һатьнә ньвисаре. Бьхунә Зәбур 19:7, 11.