ಇಲ್ಲ, ಭೂಮಿ ಯಾವತ್ತೂ ನಾಶ ಆಗಲ್ಲ, ಬೆಂಕಿಯಿಂದ ಸುಟ್ಟು ಹೋಗಲ್ಲ ಅಥ್ವಾ ಭೂಮಿ ಇರೋ ಜಾಗದಲ್ಲಿ ಬೇರೆ ಹೊಸ ಗ್ರಹ ಸೃಷ್ಟಿ ಆಗಲ್ಲ. ದೇವರು, ಭೂಮಿಲಿ ಮನುಷ್ಯರು ಶಾಶ್ವತವಾಗಿ ಇರಬೇಕು ಅಂತಾನೇ ಅದನ್ನ ಸೃಷ್ಟಿ ಮಾಡಿದ್ರು ಅಂತ ಬೈಬಲ್‌ ಹೇಳುತ್ತೆ.

•   “ನೀತಿವಂತರು ಭೂಮಿಯನ್ನ ಆಸ್ತಿಯಾಗಿ ಪಡ್ಕೊತಾರೆ, ಅವರು ಅದ್ರಲ್ಲಿ ಶಾಶ್ವತವಾಗಿ ವಾಸಿಸ್ತಾರೆ.”— ಕೀರ್ತನೆ 37:29.

•   “ಆತನು [ದೇವರು] ಭೂಮಿಯನ್ನ ಅದ್ರ ಅಸ್ತಿವಾರದ ಮೇಲೆ ಸ್ಥಿರಮಾಡಿದ್ದಾನೆ, ಅದು ತನ್ನ ಜಾಗ ಬಿಟ್ಟು ಯಾವತ್ತೂ ಕದಲಲ್ಲ. ಶಾಶ್ವತವಾಗಿ ಇದ್ದಲ್ಲೇ ಇರುತ್ತೆ.”—ಕೀರ್ತನೆ 104:5.

•   “ಭೂಮಿ ಶಾಶ್ವತವಾಗಿ ಇರುತ್ತೆ.”— ಪ್ರಸಂಗಿ 1:4.

•   “ಆತನು ಭೂಮಿಯನ್ನ ನಿರ್ಮಿಸಿ, ರಚಿಸಿ, ಅದನ್ನ ದೃಢವಾಗಿ ಸ್ಥಾಪಿಸಿದನು, ಆತನು ಅದನ್ನ ಹಾಗೇ ಸುಮ್ಮನೆ ಸೃಷ್ಟಿಸಲಿಲ್ಲ, ಜನ ವಾಸಿಸಬೇಕಂತನೇ ರೂಪಿಸಿದನು.”—ಯೆಶಾಯ 45:18.

 ಪರಿಸರ ಮಾಲಿನ್ಯ, ಯುದ್ಧಗಳು ಅಥ್ವಾ ಬೇರೆ ಯಾವುದಾದ್ರೂ ರೀತಿಲಿ ಮನುಷ್ಯರು ಭೂಮಿನ ನಾಶಮಾಡಿಬಿಡ್ತಾರೆ ಅಂತ ಜನ ಅನ್ಕೊತಾರೆ. ಆದ್ರೆ ದೇವರು ಆ ರೀತಿ ಆಗೋಕೆ ಯಾವತ್ತೂ ಬಿಡಲ್ಲ. ಬದಲಿಗೆ ‘ಭೂಮಿಯನ್ನು ನಾಶಮಾಡ್ತಿರೋ ಜನ್ರನ್ನ ನಾಶಮಾಡ್ತಾನೆ.’ (ಪ್ರಕಟನೆ 11:18) ಅದನ್ನ ಹೇಗೆ ಮಾಡ್ತಾನೆ ಗೊತ್ತಾ?

 ಮಾನವ ಸರ್ಕಾರಗಳು ಈ ಭೂಮಿಯನ್ನ ಹಾಳುಮಾಡ್ತಿವೆ. ಆ ಸರ್ಕಾರಗಳನ್ನ ದೇವ್ರು ತೆಗೆದು ಹಾಕಿ, ಅದರ ಬದ್ಲು ತನ್ನ ಸರ್ಕಾರನ ತರ್ತಾನೆ. ಸ್ವರ್ಗದಲ್ಲಿರೋ ಈ ಸರ್ಕಾರ ಭೂಮಿಯನ್ನ ಚೆನ್ನಾಗಿ ನೋಡಿಕೊಳ್ಳುತ್ತೆ. (ದಾನಿಯೇಲ 2:44; ಮತ್ತಾಯ 6:9, 10) ಆ ಸರ್ಕಾರಕ್ಕೆ ದೇವರ ಮಗನಾದ ಯೇಸು ಕ್ರಿಸ್ತನೇ ರಾಜ. (ಯೆಶಾಯ 9:6, 7) ಯೇಸು ಭೂಮಿಲಿದ್ದಾಗ ಅದ್ಭುತಗಳನ್ನ ಮಾಡಿ, ಇಡೀ ಪ್ರಕೃತಿ ಮೇಲೆ ತನಗೆ ಅಧಿಕಾರ ಇದೆ ಅಂತ ತೋರಿಸಿ ಕೊಟ್ಟನು. (ಮಾರ್ಕ 4:35-41) ಯೇಸು ದೇವರ ರಾಜ್ಯದ ರಾಜನಾಗಿ ಭೂಮಿನ ಆಳೋವಾಗ ಆತನಿಗೆ ಭೂಮಿ ಮತ್ತು ಅದರಲ್ಲಿರೋ ಎಲ್ಲದರ ಮೇಲೆ ಸಂಪೂರ್ಣ ನಿಯಂತ್ರಣ ಇರುತ್ತೆ. ಏದೆನ್‌ ತೋಟ ಹೇಗಿತ್ತೋ ಹಾಗೆ ಮತ್ತೆ ಈ ಭೂಮಿನ ಸುಂದರವಾಗಿ ಮಾಡ್ತಾನೆ.—ಮತ್ತಾಯ 19:28; ಲೂಕ 23:43.

 ಇಲ್ಲ, ಬೈಬಲ್‌ ಹಾಗೇ ಹೇಳಲ್ಲ. ಕೆಲವ್ರು 2 ಪೇತ್ರ 3:7ನ್ನ ತಪ್ಪಾಗಿ ಅರ್ಥ ಮಾಡ್ಕೊಂಡಿರೋದ್ರಿಂದ ಈ ತರ ಅಂದ್ಕೊಂಡಿದ್ದಾರೆ. ಅದು ಹೇಳೋದು, “ಈಗಿರೋ ಆಕಾಶ ಮತ್ತು ಭೂಮಿಯನ್ನೂ ನಾಶ ಮಾಡೋಕೆ ಇಟ್ಟಿದ್ದಾರೆ.” ಆದ್ರೆ ಇದ್ರ ನಿಜ ಅರ್ಥ ಏನು ಅಂತ ತಿಳ್ಕೊಳ್ಳೋಕೆ ಈ ಮುಂದಿನ ಎರಡು ಮುಖ್ಯ ಅಂಶಗಳು ಸಹಾಯ ಮಾಡುತ್ತೆ.

1.   ಬೈಬಲಿನಲ್ಲಿ “ಆಕಾಶ,” “ಭೂಮಿ,” ಮತ್ತು “ಬೆಂಕಿ”ಯನ್ನ ಬೇರೆ ಬೇರೆ ವಿಷ್ಯಗಳನ್ನ ಸೂಚಿಸಲು ಬಳಸಲಾಗಿದೆ. ಉದಾಹರಣೆಗೆ ಆದಿಕಾಂಡ 11:1 ಹೀಗೆ ಹೇಳುತ್ತೆ: “ಆಗ ಇಡೀ ಭೂಮೀಲಿ ಎಲ್ರೂ ಒಂದೇ ಭಾಷೆ ಮಾತಾಡ್ತಿದ್ರು.” ಇಲ್ಲಿ ತಿಳಿಸಿರೋ, “ಭೂಮಿ” ಮಾನವ ಸಮಾಜವನ್ನ ಸೂಚಿಸುತ್ತೆ.

2.   2 ಪೇತ್ರ 3:7 ರ ಹಿನ್ನಲೆ ಆಕಾಶ, ಭೂಮಿ ಮತ್ತು ಬೆಂಕಿಯ ಅರ್ಥವನ್ನ ತಿಳ್ಕೊಳ್ಳೋಕೆ ಸಹಾಯ ಮಾಡುತ್ತೆ. ವಚನ 5 ಮತ್ತು 6 ನೋಹನ ಜಲಪ್ರಳಯದ ಬಗ್ಗೆ ಮಾತಾಡುತ್ತೆ. ಆ ಪ್ರಳಯದಲ್ಲಿ ಅಲ್ಲಿದ್ದ ದುಷ್ಟ ಜನರು ನಾಶ ಆದ್ರು, ಭೂಮಿ ನಾಶ ಆಗಲಿಲ್ಲ. ಜಲಪ್ರಳಯದ ಮೂಲಕ ದೇವರು ‘ಭೂಮಿಯನ್ನ’ ಅಂದ್ರೆ ಕೆಟ್ಟ ಜನ್ರನ್ನ ನಾಶ ಮಾಡಿದನು. (ಆದಿಕಾಂಡ 6:11) ಅಲ್ಲಿದ್ದ “ಆಕಾಶವನ್ನು” ಅಂದ್ರೆ ಮಾನವರನ್ನ ಆಳ್ತಿದ್ದ ಸರ್ಕಾರಗಳನ್ನ ಕೂಡ ನಾಶ ಮಾಡಿದನು. ಇದ್ರಿಂದ ನಮಗೆ ಏನ್‌ ಗೊತ್ತಾಗುತ್ತೆ ಅಂದ್ರೆ ಆ ಪ್ರಳಯದಲ್ಲಿ ಕೆಟ್ಟ ಜನ್ರು ನಾಶ ಆದ್ರೆ ಹೊರತು ಈ ಭೂಮಿ ನಾಶ ಆಗ್ಲಿಲ್ಲ. ನೋಹ ಮತ್ತು ಅವನ ಕುಟುಂಬದವ್ರು ಮಾತ್ರ ಈ ಪ್ರಳಯದಿಂದ ಪಾರಾಗಿ ಇಡೀ ಭೂಮಿಯಲ್ಲಿ ತುಂಬಿಕೊಂಡ್ರು.—ಆದಿಕಾಂಡ 8:15-18.

 ಜಲಪ್ರಳಯದಲ್ಲಿ ಆದ ಹಾಗೇ 2 ಪೇತ್ರ 3:7 ರಲ್ಲಿ ಹೇಳಿರೋ “ಬೆಂಕಿ”ಯಿಂದ ಕೂಡ ಕೆಟ್ಟ ಜನ್ರು ನಾಶ ಆಗ್ತಾರೆ ಹೊರತು ಈ ಭೂಮಿ ನಾಶ ಆಗಲ್ಲ. ಬದಲಿಗೆ ದೇವರು ‘ಹೊಸ ಆಕಾಶ, ಹೊಸ ಭೂಮಿಯನ್ನು ತರ್ತೀನಿ, ಅಲ್ಲಿ ನೀತಿವಂತರು ಮಾತ್ರ ಇರ್ತಾರೆ’ ಅಂತ ಮಾತು ಕೊಟ್ಟಿದ್ದಾನೆ. (2 ಪೇತ್ರ 3:13) “ಹೊಸ ಭೂಮಿ,” ಅಂದ್ರೆ ಹೊಸ ಮಾನವ ಸಮಾಜವನ್ನ, “ಹೊಸ ಆಕಾಶ” ಅಂದ್ರೆ ಹೊಸ ಸರ್ಕಾರವನ್ನ ಸೂಚಿಸುತ್ತೆ. ಈ ಹೊಸ ಸರ್ಕಾರವೇ ದೇವರ ರಾಜ್ಯ. ಈ ಸರ್ಕಾರದ ಕೆಳಗೆ ಇಡೀ ಭೂಮಿ ಸುಂದರ ತೋಟವಾಗುತ್ತೆ.—ಪ್ರಕಟನೆ 21:1-4.