Insay 2023, wɛlbɔdi pipul dɛn bin kam fɔ si se di fil we pipul dɛn kin fil lɛk se na dɛn wangren de na siriɔs wɛlbɔdi prɔblɛm we dɛn nid fɔ du sɔntin bɔt. Fɔ se ɛnitin de we go ɛp?

•   “Fɔ fil se na wi wangren de ɛn fɔ kip to wisɛf na siriɔs wɛlbɔdi prɔblɛm we de mek wi nɔ gladi.” Na dis Dɔktɔ Vivɛk Mɔti, we na U.S. surgeon general se. Bɔt i tɔk bak se: “Sɔntin de we wi go ebul du bɔt am.” Wetin na da tin de? “Na we wi du smɔl smɔl tin dɛn ɛvride fɔ gɛt tayt padi biznɛs wit pipul dɛn.” a

 Nɔto jɔs bikɔs wi nɔ kin de nia pipul dɛn kin mek wi fil lɛk se na wi wangren de. Sɔm pipul dɛn kin fil dis we ilɛksɛf dɛn de na krawd. Bɔt ilɛk wetin na di rizin we mek wi kin fil dis we, di Baybul go ebul ɛp wi. I gɛt fayn advays dɛn bɔt aw wi go gɛt tayt padi biznɛs wit pipul dɛn, ɛn dis go ɛp wi fɔ lɛf fɔ fil lɛk se na wi wangren de.

 Bi pɔsin we sabi tɔk fayn. Dis nɔ min se yu fɔ jɔs de tɔk bɔt aw yu de fil, bɔt yu fɔ tek tɛm lisin we ɔda pipul dɛn de tɔk. Di mɔ yu de sho se yu bisin bɔt ɔda pipul dɛn, na di mɔ una padi biznɛs go tayt.

•   Baybul prinsipul: “Una nɔ jɔs tink bɔt wetin una want nɔmɔ, bɔt una tink bak bɔt wetin ɔda pipul dɛn want.”—Filipians 2:​4.

 Tray fɔ mek bɔku padi dɛn. Rɛdi fɔ bi padi to pipul dɛn we big fɔ yu ɔ we yu big pas, ɔ we kɔmɔt na ɔda kɔntri ɔ gɛt difrɛn kɔlchɔ.

•   Baybul prinsipul: “[Una] fɔ rili opin una at.”—2 Kɔrintians 6:​13.

 Fɔ no mɔ bɔt aw yu go gɛt tayt padi biznɛs wit pipul dɛn, rid di atikul we gɛt di taytul, “Satisfying Our Hunger for Friendship.”