လၢ​တၢ်​ကစီၣ်​အ​ပူၤ​န့ၣ် ပှၤ​တဲဝဲ တၢ်​သးဟ့​ပှၤ​အဂၤ အဂ့ၢ်​အါထီၣ်. အဒိ ပှၤ​ကသူ​ဝဲဒၣ် အ့ထၢၣ်နဲး ဒီး​ပှၤ​က​ဆှၢ​လံာ်​လၢ အ​တဲဆါဝဲ ပှၤလၢ​အ​သးဟ့ဝဲ တဂၤ​န့ၣ်​အဂ့ၢ် မ့တမ့ၢ် ပှၤ​က​ပာ်ဖျါ​ထီၣ် တၢ်သးဟ့​လၢ ပှၤ​တဖုဖု​အ​ဖီခိၣ်. တကး​ဒံးဘၣ် ပှၤ​အါဂၤ​န့ၣ် ထံၣ်ဘၣ်​စ့ၢ်ကီး ပှၤ​သးဟ့ အဝဲသ့ၣ် ကလုာ်ဒူၣ်, ပှၤ​မၤမဲာ်ဆှး အဝဲသ့ၣ်, ပှၤ​တဲဆါ အဝဲသ့ၣ် ဒီး​ပှၤ​မၤပျံၤ​မၤဖုး အဝဲသ့ၣ်. ဒီး​ပှၤ​အါဂၤ​န့ၣ် ထံၣ်ဘၣ်​ဝဲ တၢ်​တတီ​တလိၤ ဒ်န့ၣ်​အဃိ တၢ်​သးဟ့​န့ၣ် အိၣ်ဝဲ​လၢ တၢ်လီၢ်​ကိးပူၤ​ဒဲး​လီၤ.

ပ​မၤ​လီၤမၢ်​ကွံာ် တၢ်​သးဟ့ လၢ​ပ​သးပူၤ က​သ့​ဒ်လဲၣ်​န့ၣ် လံာ်​တ​ဘ့ၣ်​အံၤ ပာ်ဖျါ​ထီၣ်​န့ၢ်​ပှၤ. ဒီး​တၢ်ဂ့ၢ်​သ့ၣ်​တဖၣ်​န့ၣ် တမ့ၢ်​ထဲ​တၢ်​တဲ​မုာ်နၢ်​ဘၣ်. အ​ကဲဝဲ​တၢ်ဂ့ၢ်​လၢ အ​ကဲထီၣ်​သး​သ့​နီၢ်ကီၢ်. ခဲအံၤ​ပှၤ​အါဂၤ​လၢ ဟီၣ်ခိၣ်​ဒီဘ့ၣ်​န့ၣ် မၤ​လီၤမၢ်​ကွံာ်ဝဲ တၢ်​သးဟ့​ပှၤဂၤ န့ၢ်လံ.