‘Kumisa tata na nge mpe mama na nge, samu nge zinga mingi na yinza yina Yehova Nzambi na nge kepesa nge.’—Kubasika 20:12, Biblia Mbalula ya Nsi-Ntoto ya Mpa.

 ‘Zitisa tata mpe mama na nge, nge vuanda na luzingu ya yinda na buala yina munu Yawe Nzambi na nge mepesa nge.’—Kobima 20:12, Bible na lingala ya lelo.

 Nzambi pesaka Bayisaele ya ntama nsiku ya kuzitisa bibuti na bau. Ntangu Nzambi buelaka nsilulu ya nsiku yango, yandi pesaka bau mfunu yankaka yina lombamaka samu na kuzitisa yau. Atako Baklisto fueti zitisa Nsiku ya Mose, yazola tuba nsiku yina Nzambi pesaka Bayisaele, bansikudukusu na yau soba ve. Bansikudukusu yango yina mekatuka na nsiku ya Nzambi, yakele mpe yakesadulua tii bubu yayi. Yau yina, yakele mpenza na mfunu samu na Baklisto.—Bakolosai 3:20.

 Bana—bantuenia mpe bambuta—bakezitisaka bibuti na bau ntangu bakewilukilaka bau mpe bakekumisaka bau. (Levi 19:3; Bingana 1:8) Ata ntangu bana meyunduka mpe bamekuma na mabuta na bau, baketatamanaka kukokisa bansatu ya bibuti na bau. Na kifuani, bakekukindimisaka ti bibuti na bau kele mbote lokola bamekuma biboba, ata mpe kupesa bau lusadisu ya mbongo kana yamelombama.—Matayo 15:4-6; 1 Timoteo 5:4, 8.

 Zaba ti yalombaka ti bana ya Bayisaele zitisa tata na bau mpe mama na bau, yavuandaka bambula bau kiyekua ya nene yina mama vuandaka na yau na dibuta. (Bingana 6:20; 19:26) Bubu yayi diaka bana fueti zitisa bibuti na bau.

 Nsiku ya kuzitisa bibuti vuandaka na bandilu. Yalombaka ve ti bana ya Bayisaele zitisa bibuti na bau, to muntu yankaka, kana kusala yau mebuka minsiku ya Nzambi. (Kulonga 13:6-8) Mutindu mosi bubu yayi, Baklisto ‘kezitisaka Nzambi samu yandi kele mfumu na kisika ya kuzitisa bantu.’—Bisalu 5:29.

 Na nsiku yina Nzambi pesaka Bayisaele, yandi pesaka nsilulu ti bana yina kezitisa bibuti na bau ‘kezinga mingi mpe mambu na bau. . .ketambula mbote’ na ntoto yina Nzambi kepesa bau. (Kulonga 5:16) Balendaka baka ve kitumbu yina bavuandaka pesa bana yina vuandaka zitisa ve nsiku yina ya Nzambi mpe kutombokila bibuti na bau. (Kulonga 21:18-21) Bansikudukusu yina mekatuka na nsiku yango soba ve ata kana ntangu meluta mingi. (Baefezo 6:1-3) Yavuanda beto kele bantuenia to bambuta, beto kevutula yinua na Mvangi na beto. Samu na kumona kedika ya nsilulu yango, bana yina kezitisaka Nzambi mpe bibuti na bau bakevuandaka na luzingu ya yinda. Kutu, bakele na kivuvu ya luzingu ya mvula na mvula.—1 Timoteo 4:8; 6:18, 19.

 Nsiku yina kele na Kubasika 20:12 kele na kisika mosi ya mfunu na kati ya minsiku kumi to bampova kumi. (Kubasika 20:1-17) Bansiku yina kele na ntuala na yau monisaka Bayisaele biyekua yina bavuandaka na yau na ntadisi ya Nzambi, na kifuani nsatu na bau ya kusambila kaka yandi. Bansiku yina landaka yau monisaka bau kiyekua yina bavuandaka na yau na ntadisi ya bafinangani na bau, yasangisaka minsiku yina lombaka kuvuanda ya kukuikama na nkuelani mpe kuyiba ve. Yau yina, nsiku yina tubaka ti ‘kumisa tata na nge mpe mama na nge’ vuandaka lokola kiamvu to pont yina Nzambi tulaka samu na kuwizanisa mambu zole yina minsiku vuandaka lomba.