Zayi Ukutukitulanga se Akundi a Nzambi
O Mvangi eto ke ngolo zankatu ko. Ovuidi fu yamfunu. Ozolele vo twalongokanga oma ma kiwuntu kiandi kimana twakala se akundi andi. (Yoane 17:3; Yakobo 4:8) Kiaki i kuma kesenzekelanga e kiwuntu kiandi.
O Mvangi Eto Una ye Nkumbu
“Yambula o wantu bazaya wo vo, ngeye una ye nkumbu Yave, Nge kaka i Mpungu-nene omu nza yawonso.”—NKUNGA 83:18.
E Bibila kilonganga vo Yave i Nzambi aludi. Yandi i Mvangi a nsema ye mioyo miawoso. Yandi kaka tufwete sambilanga.—Lusengomono 4:11.
Yave i Nzambi Anzodi
“Nzambi i zola.”—1 YOANE 4:8.
Yave osadilanga Bibila ye lekwa ina kasema muna sengomona e fu yandi. O zola i fu kiandi kisundidi o mfunu. Mawonso kevanganga mu zola kevangilanga mo. Avo tutomene longoka oma ma Yave, tutoma kunzola.
Yave i Nzambi a Nloloki
“Ngeye u Nzambi wakubama mu loloka.”—NEKEMIYA 9:17.
Yave ozeye wo vo tu asumuki. Muna kuma kiaki, ‘wakubama muna kutuloloka.’ Avo tunlombele ndoloki yo vanga e ngolo mu yambula vanga mambu mambi, okutuloloka. Ke singa kututumba ko mu kuma kia masumu mana mavioka.—Nkunga 103:12, 13.
Yave Owanga e Sambu Yeto
“Yave ofinamene awonso bekumbokelanga, . . . Owánga kazu kiau yo kubavuluza.”—NKUNGA 145:18, 19.
Yave kevavanga ko vo twasadilanga sinsu ngatu teke muna kunsambila. Owanga e sambu yeto wauna se dianzodi kewilanga ndomba za wan’andi anzolwa.
Nanga Oyangalela Mpe Malongi Mama
MVUTU ZA YUVU YA BIBILA
Nani I Yave?
Nga Nzambi i Nzambi a buka kimosi kaka kia wantu, nze Aneyisaele?
MVUTU ZA YUVU YA BIBILA
Nga Nzambi Nkuma Ankatu e?
Nkand’a Nzambi uvovanga vo Nzambi nene wa nkum’andi kasadila muna sema lekwa yawonso, kansi nga okutuvwang’o mfunu?
