KWAMANANA YINGILA!

Akwa Ngangu Bapusidi e Miniti muna Lelonzi ya Mfundisa—E Bibila Adieyi Kivovanga?

WINIKINA MU

Kina kia 24 kia Yanuali, 2023, akwa ngangu bavovele vo e Miniti muna Lelonzi ya Mfundisa a mu dingi-dingi se mina, ediadi disongele vo e mbaninu a nza ifinamene kikilu.

“E ‘Miniti muna Lelonzi ya Mfundisa,’ misunzulanga e vonza kia lufwasu lwa wantu. Muna kuma kia vita ya Ucrânia, vonza kia vita ya nkele miangolo milenda fwasa e nza yawonso yo wokela kwa mbangazi, akwa ngangu bavovele vo kina Kiazole, e miniti mia lelonzi yayi mialweke muna dingi-dingi.”—AFP.
“Kina Kiazole, akwa ngangu bavovele vo vitila e dingi-dingi e ‘Miniti muna Lelonzi ya Mfundisa’ miakatwilu 90 lwa segundo, ediadi disongele vo o wantu lukufi se bena ye Armangedo.”—ABC News.
“E buka kia akwa ngangu a nz’amvimba, balukisi vo e zingu kia wantu mu vonza kikilu kina ke mu mvu miavioka ko.”—The Guardian.

Nga o lufwasu lwa wantu ye nza lufinamene? Nga tufwete kala ye wonga mu kuma kia mana mebwa kuna sentu? E Bibila Adieyi Kivovanga?

Ameyi mebwa kuna sentu?

E Bibila kivovanga vo “o ntoto ukwamanana yakwele mvu” ye vekala kaka yo wantu ana “bezingila vo yakwele mvu.” (Kimpovi 1:4; Nkunga 37:29) Muna diadi, o wantu ke befwasa o ntoto ko ngatu fukisa emvimba o nsema wawonso.

Kansi e Bibila kivovelanga e mbaninu. Kasikil’owu, e Bibila kivovanga vo e “nza mu vioka ina.”—1 Yoane 2:17.

Muna zaya e nsas’a mbaninu ivovelwanga muna Bibila, tanga e longi dina yo ntu a diambu “Será que o fim do mundo está chegando? O que é o Apocalipse?”
Muna zaya e mambu mebwanga ova nza, tanga e longi dina yo ntu a diambu “Quando vai ser o fim do mundo?”

Kalanga ye ngindu zasikila

E Bibila kilenda kutusadisa muna kala ye ngindu zasikila kanele vo e nza mu mpasi kikilu ina. Mu nkia mpila?

E Bibila kikutuvananga malongi mambote. (2 Timoteo 3:16, 17) Kasikil’owu, kanele vo e zingu kia mpasi kikilu, muna zaya una e Bibila kilenda kusadisila muna kala ye ngindu zasikila, tanga e longi dina yo ntu a diambu “Una Lenda Kuyikebela Muna Ntokani”.
E Bibila kivananga e vuvu kiasikila kia kusentu. (Roma 15:4) Kitoma sasilanga mana tulenda vingila tuka owau ye kuna sentu, mana malenda kutusadisa mu kala ye vuvu kiasikila kanele vo e mpasi za nza mu wokela kaka zina.

Muna zaya mambu mayingi ma Bibila, tubokele mu tambulwila e longi dia Bibila dia ngovo.

a “Lelonzi ya Mfundisa, i mvovo usadilwanga mu lukisa o nkangu vo ke kolo ko befwasa e nza yayi muna umbangu wa yau kibeni. I sinsu kia lulukisu lwa mambu tufwete zizidila avo tuzolele sala yo moyo omu nza yayi.”—Boletim dos Cientistas Atómicos.