BÊNO NA MESO MA TIA!
2023: Muvu wa bunkuta—Bibila bwe ditâka?
Mu 2023, misamu miamingi miatulumukini mu nza mita songela ti mu “bilumbu bia mansukina” twena. (2 Timote 3:1) Tala bwe misamu mia bwawu bu mita delakana na mbikululu za Bibila zaketi lungana mu ntangu ya beto.
Bibila na misamu mia mu nza
“Mizingu na nsangu za mizingu.”—Matie 24:6.
“Miangu miatomono naka mu bizunga biabingi mu nza.” a
Tala mutu-diambu wa “Nani vukisa bantu balembo nwanaka mizingu?” na wa “Guvernema za mu nza yayansoni zidukisi mbongo yôka 2 000 miliare za dollars mu bungu dia binwanunu.”
“Midikutulu mia mutoto […] mu mbuka za mpila na mpila.”—Marke 13:8.
“Tûka mbatukulu ya 2023, midikutulu mia mutoto 13 mia magnitude yôka 7 miatulumukini mu nza, lutangu lumosi lwena luyôkele tûka ku mbatukulu.” b
Tala mutu-diambu wa “Mudikutulu wa mutoto wa ngolo wutulumukini ku Turquie na ku Syrie.”
“Bima bia nsisi.”—Like 21:11.
“Ntangu ya yaninga dia mutoto yisukiri. Bwawu bu mutoto ni tata weka tata.”—António Guterres, Mfumu ya Nations Unis. c
Tala mutu-diambu wa “Yaninga dia ngolo mu nza yayansoni mu été 2023.”
“Nsatu.”—Matie 24:7.
“2023: Muvu wakaka wa mpasi mu bungu dia bantu balembanaka mu dikila makanda mawu.” d
Tala mutu-diambu wa “Bidia bikondolo mu bungu dia mizingu na nsobolo za climat.”
“Ntangu za mpasi mu vivirila.”—2 Timote 3:1.
“Muntu wumosi ha kati dia bantu 8 mu nza we na timbevo tia mutu.” e
Tala mutu-diambu wa “Bimbevo bia mutu bitomono naka kwe bantwenia.”
Nti tulendi kekolo mu 2024?
Ka kwena muntu ko wutomono zaba misamu mitûla mu 2024. Kâ misamu mia mu nza misongele ti ntamana Timfumu tia Nzambi, peleko guvernema ya ku zulu, mbo tiyingasa guvernema zazansoni za bantu, mpe mbo tisukisa misamu miamiansoni mitulumunaka mpasi na bunkuta.—Daniele 2:44; Nzabukusu 21:4.
Mu ntangu yo, bu tubâka na lwaka, tulendi dinga lubakusu kwe Nzambi. Bibila ditêle:
“Bu nibâka na bunkuta, lukwikulu nitûlaka mu Nge.”—Mikunga 56:3.
Bwe tulendi songela lukwikulu lweto mu Nzambi? Tukulombele mu longoka misamu miakaka mitariri makani ma Bibila ma bilumbu bita kwiza bia lembo mpasi. Yêla ndongokolo ya Bibila mu mona bwe nge na kanda diaku lulendi bakila ndandu mu makani ma Bibila.
a Misamu mia nsi za nzenga, “Nza ya muzingu: Nti biswanmane mu mpila yita nakina muzingu?”, Emma Beals na Peter Salisbury, 30 octobre 2023.
b Nsangu za midikutulu mia mutoto, “Muvu wa 2023: Ntamana mbo tumona midikutulu mia mutoto mia minene,” mai 2023.
c ONU, “Tinzonzi tia mfumu ya Nations Unies ha meso ma bimwangisi-nsangu, mu musamu wutariri climat,” 27 juillet 2023.
d PAM, “Misamu mia nsatu mu nza.”
e OMS, “Tilumbu tia bimbevo bia mutu mu 2023,” 10 octobre 2023.