Nkumbu yanlongo ya Nzàmbi yatsonama ha Nzo ni Nzo ya Kimfumu ya Mbangi za Yehova. Ntsiangu tumonaka ti lwena lukumu mpe diambu dia mfunu dia nsambululu’eto mu yika moko mu sa lunkete mu Nzo yô ngati yabaka yatoma mpe yambote. Beto bansoni tulenda sala tsisalu tsiango.

Ha manima ma lukutakanu, yika moko mu sa lunkete. Mbo tumanisaka tukutakanu, bampangi ni baba banketo peleko babakala mwa lunkete basaka mu Nzo ya Kimfumu. Nkumbu moshi mu lumingu basaka nkatika lunkete. Nkuluntu peleko tsibakishi mu salu tsimoshi twarisaka tsisalu tsiango mpe vulavula mulonga wa bisalu bifweti salama kalandaka. Balenda komba, benda fufundu mu mashini, sukula nzo, kusuna fufundu, tula shezi mu mulonga, sa lunkete ku kabinè, sukula bitari, losa zala mpe sa lunkete ku mbazi ya Nzo ya Kimfumu. Mboko nkumbu kani moshi mu mvula basaka lunkete luyokele. Tamana kotisa bala beto mu sala mwa bisalu bia fietifieti bô mbotusaka lunkete, mbo balongoka mu vumina mbuka ya nsambululu.​—Ekleziaste 5:1.

Yika moko mu yirika kantsa tsima tsibebele. Kontso mvula, Nzo ya Kimfumu’eto tutomo fiongonenaka mu kati mpe ku mbazi. Nitsio tsisaka ti twayirikaka ntangu zazansoni bima bio bibebele ngati twalombo wombesaka mbongo mpambampamba. (2 Lusansu 24:13; 34:10) Nzo ya Kimfumu ye lunkete mpe ye yambote yifwanakane mu sambila Nzàmbi’eto. Twamana yika moko mu tsisalu tsiango, mbo tusongela ti Yehova yandi tuzololo mpe ti mbuka’eto ya nsambululu yâ tuvuminaka. (Mikunga 122:1) Kimbangi mpe tsia tsibote tsihanaka ha hata peleko ha kartie.​—2 Bisi-Korente 6:3.

• Mubwenabwe tufweti lombo bongela mbuka’eto ya nsambululu mu ntsaka e?

• Ntsia nkubukulu tabonga ngati Nzo ya Kimfumu’eto yabaka lunkete ntangu zazansoni e?