“Nayela mu tanga Bibila, kâ dinene kwa diena, ni nafwtika kwani!”​—Briana, mvula 15.

 Ngano mabanza ni mo me naku? Mutu diambu wu mbo wukubakisa!

•  Mu bungu dia nti tufweti tangila Bibila?

•  Bwe mfweti tangila Bibila?

•  Misamu mi banzaka bampwana’aku

 Ngano mabanza ma tanga Bibila nge manôkesaka? Buna, tulendi wa bakula. Kwe nge, kampe Bibila buku dia dinene diena, die na binima yôka 1 000, die na bitsono bia fioti mpe dilembolo na bifwani​—ka diyôkele’â tele na video ko!

 Kâ banza’eti: Tala ti dzukuri nkutu ya ntama ye na timvwama, ngano kuzibula ko mu zaba bie mu kati?

 Bibila die ntiana nkutu ya ntama ye na timvwama. Bimvwama bia ndwenga biabingi bie mu Bibila, bikubakisa mu

•   Bonga nzengolo za mbote

•   Tomo wisana na bibuti biaku

•   Bâ na ndiku za mbote

•   Telamana mfwemoso

 Bwe buku dia ntama dilendi bêla salu bwawu bu? Ni mu bungu ti “Matsonoko mamansoni kwe Nzambi matûka.” (2 Timote 3:​16) Wuzololo tâ ti malongi ma mu Bibila mu titeko tiyôkele bubote matûkaka.

 Mpila yimosi, ni mu tanga Bibila diadiansoni. Musamu wo mbo wukubakisa mu zaba nsangu za nguri za Bibila. Mpila zazingi ze kô zilendi tangila Bibila. Tazonzela bifwani biole:

•    Lendi tanga mikanda 66 mia Bibila dimosi dimosi buna bu miena, tûka Mbatukulu tii Nzabukusu.

•    Lendi tanga Bibila tintwari na ntangu​—buna bwa yilamana misamu mia mu Bibila.

 Malongi: Appendice A7 ya La Bibile. Traduction du monde nouveau, misamu mia nguri mia luzingu lwa Yezu ha mutoto yizonzelaka buna bu mia yilamana.

 Mpila ya nzole, ni mu sola tinsamu timosi tizonzelaka nkwamusu zita bwabana na zo. Mu tifwani:

•   Ngano zololo wabaka ndiku za nsungu? Tanga tinsamu tia Davide na Yonatane. (1 Samwele, bikapu 18-20) Ha manima, sarila mukanda wa “Comment se faire des amis fidèles” mu baka malongi mu tinsamu tiango.

•   Ngano zololo watomo tindilaka ntontolo? Tanga tinsamu tia Yozefe watelamana ntontolo. (Mbatukulu, tikapu 39) Ha manima sarila mukanda wa “Comment résister à la tentation ? [. . .] Joseph​—Partie 1” na “Accusé à tort ! Joseph​—Partie 2” mu zaba malongi me salu ma tinsamu tio.

•   Ngano zololo wazaba bwe lusambulu lulendi ku bakisila? Tanga tinsamu tia Nehemi. (Nehemi, tikapu 2) Ha manima sarila mukanda wa “Dieu a répondu à sa prière” mu zaba malongi ma salu ma tinsamu tio.

 Malongi: Bu tangaka Bibila, bâ mu mbuka ya dzuna ngatu walenda mu tula mutima’aku wawansoni.

 Mpila ya ntatu, ni mu sola tinsamu peleko Mikunga, tanga, ha manima, dimbitila mu mpila yilendi wa sarila. Bu mana tanga, tiyula biyuvu ntiana:

•    Mu bungu dia nti Yehova kazolo ti nsangu zi zabâ mu Bibila?

•    Nti wuta ku ndongesa mu timuntu tia Nzambi na mu nsalulu zandi?

•    Bwe ndendi sarila nsangu zo mu luzingu lwani?

 Malongi: Kubika kani dimosi! Tsoneka tilumbu ti zololo mu batika mu sarila programe ya ntangulu ya Bibila ye mu Internet.