PINA 137
Basali Babasepahala, Likaizeli za Sikreste
-
1. Sara, Maria, Ruti, ni babañwi—
Neli basali babasepahala.
Ki Mulimu yene basebeleza.
Lwaizibela mabizo abona.
Bane basika ñolwa mabizo
Nebasepahala, mi nebafuyozwi.
-
2. Nebanani tulemeno totunde—
Bunde, lilato, ni busepahali.
Baluhupulisa tulemeno to.
Nebatomile mutala omunde.
Sebelezo ya likaizeli
Zebalikanyisa itahisa tabo.
-
3. Bo me, limbelwa, ni basali bote,
Musebeza ka taata ni ka tabo.
Mwaikokobeza mi mwaishuwa.
Musisabi, Ndate wamikatelwa.
Mi Jehova amitokomele.
Hamutiye mi mukafiwa mupuzo.
(Mubale ni Mafil. 4:3; 1 Tim. 2:9, 10; 1 Pit. 3:4, 5.)
