Pamela wanenene amba, “pobadi bañundapa dyaya, divule dine nadi ngivwana moyo bininge. Inoko kitatyi kyonadi nombela kudi Yehova Leza, nadi ntūkija mutyima ne kūminina makambakano ami. Misanshi keyampwile, inoko milombelo inkwashanga ngikale nyeke na mumweno muyampe. Kitatyi kingipangulanga bantu moneivwanina, nenanga’mba ‘nkidipo biyampe, inoko ngidi na nsangaji!’”

Bine, ketufwaninwepo kwilaija enka shi tubabela nansha shi tubafikilwa na makambakano ebiya ketulombela. Batwe bonso tutanwanga na makambakano, makatampe nansha matyetye, kadi divule dine tumonanga’mba tusakilwa bukwashi pa kwiominina. Le milombelo ibwanya kwitukwasha?

Bible unena’mba: “Ela kiselwa kyobe kilēma padi Yehova, nandi ukakukwasha. Kakalekapo nansha dimo moloke apone.” (Ñimbo ya Mitōto 55:22) Bine, ino i milangwe isenga’po kashā! Penepa, le milombelo ibwanya kukukwasha namani? Shi ulombela Leza mu muswelo muyampe, ukakupa byosakilwa pa kūminina makambakano obe.​—Tala kapango kanena’mba, “ Bintu Bibwanya Kukuletela Milombelo.”