Bua tshinyi Bantemu ba Yehowa batu baya ku nzubu ne ku nzubu?
Yezu uvua muambile bayidi bende bua ‘bavuije bantu ba mu bisamba bionso bayidi.’ (Matayi 28:19, 20) Pavua Yezu mutume bayidi bende ba kumpala bua kuyisha, wakabambila bua baya ku nzubu ya bantu. (Matayi 10:7, 11-13) Panyima pa lufu lua Yezu, bena Kristo ba mu bidimu lukama bia kumpala bakatungunuka ne kumanyisha mukenji wabu “muaba uvua bantu ba bungi ne ku nzubu ne ku nzubu.” (Bienzedi 5:42; 20:20) Tudi tulonda tshilejilu tshia bena Kristo ba mu bidimu lukama bia kumpala abu ne tudi bamone ne: kuyisha ku nzubu ne ku nzubu ke mushindu muimpe wa kupeta bantu.