Bua tshinyi mbimpe kusambila mu dîna dia Yezu?
Diandamuna dia mu Bible
Tudi ne bua kusambila Nzambi mu dîna dia Yezu bualu ke mushindu umuepele udi Nzambi utuanyishila bua kusemena kudiye. Yezu wakamba ne: “Meme ndi njila ne bulelela ne muoyo. Muntu kena mua kulua kudi Tatu kayi mupitshile kundi to.” (Yone 14:6) Wakambila kabidi bapostolo bende ba lulamatu ne: “Bulelela, bulelela, ndi nnuambila ne: nuenu balombe Tatu tshintu, neanupeshatshi mu dîna dianyi.”—Yone 16:23.
Malu makuabu adi atusaka bua kusambila mu dîna dia Yezu
Tudi tunemeka Yezu ne Tatu wende Yehowa Nzambi.—Filipoyi 2:9-11.
Tudi tuleja ne: tudi tuanyisha lufu lua Yezu bu mulambu udi Nzambi mufile bua lupandu luetu.—Matayi 20:28; Bienzedi 4:12.
tudi bamanye ne: Yezu nkayende ke udi ne mudimu wa kutuangaja bantu ne Nzambi.—Ebelu 7:25.
Tudi tunemeka mudimu wa Yezu wa Muakuidi Munene udi mua kutuambuluisha bua kuanyishibua kudi Nzambi.—Ebelu 4:14-16.
Mona bikuabu:
DIUMVUIJA DIA MVESE YA MU BIBLE
Yone 14:6 Diumvuija—“Meme ndi njila ne bulelela ne muoyo”
Bua tshinyi muntu udi musue kutendelela Yehowa udi ne bua kumanya mudimu wa mushinga mukole udi nawu Yezu?
MANDAMUNA A NKONKO YA MALU A MU BIBLE
Mbimpe ngikale ntuma masambila anyi kudi bansantu anyi?
Mona tshidi Bible wamba bua muntu utudi ne bua kusambila.
TSHIBUMBA TSHIA NSENTEDI
Bua tshinyi tudi ne bua kusambila mu dîna dia Yezu?
Butuku bua ndekelu buvua Yezu pa buloba uvua muleje njila mupiamupia udi mua kufikisha bantu kudi Nzambi.
TSHIBUMBA TSHIA NSENTEDI
Mmunyi muudi mua kusambila Nzambi bua akuteleje
Sambila Nzambi ne dîyi dikole anyi munda munda muaba wonso ne dîba dionso. Yezu neatuambuluishe mene bua kumanya tshia kuamba.
MALONGESHA A MU BIBLE
Tetabi programe wetu wa dilonga dia Bible
Londa programe wa dilonga dia Bible dia nuenda nuyukila ne muntu udi ukulongesha.