Tshilejilu, tumonayi tshidi bamue bantu bamba bua mudi dibala dia Bible ne ditumikila mibelu idimu bibambuluishe.

“Nsombelu wanyi mmulengele bikole. Nkadi ngela meji bimpe ne ndiumvua bimpe. Ndi ndiumvua ne disanka dia bungi.”​—Fiona.

“Dilonga dia Bible ndingambuluishe bua kujingulula bua tshinyi ndi ne muoyo ne mushinga udi nawu muoyo eu.”​—Gnitko.

“Nsombelu wanyi mmulengele bikole menemene. Mpindieu tshiena kabidi mudikutakajije ne malu a bungi to, nkadi ne dîba dia bungi dia kusomba ne bena mu dîku dianyi.”​—Andrew.

Ebi mbilejilu bikese patupu. Kudi bantu ba bungi pa buloba bujima badi bamone ne: Bible udi ne mibelu mimpe ya bungi idi yambuluisha bantu dituku dionso.

Tumonayi mudi Bible mua kuambuluisha bantu bua bikale . . .

• ne makanda a mubidi mimpe

• bimpe mu lungenyi

• ne nsombelu muimpe mu dîku ne kusomba bimpe ne balunda

• batula makuta bimpe

• mu malanda mimpe ne Nzambi

Biena-bualu bidi bilonda nebileje mudi Bible muikale bushuwa mukanda wa tshijila udi mua kukuambuluisha mu mishindu ya bungi.