Ambula:

• Pa mabeji ne note mipepeja

1. 1. Mbika lelu, me’ kudilongolola,

   Kulomba Yehowa, e kupatuka.

   Bankandika buambi; tshiakuitaba to!

   Mfumuanyi nNzambi, ki mbantu to.

   (DIPUNGULUJA)

   Munda muanyi meme, ditabuja ndia bungi; eyo,

   Yehowa udi nanyi, tshiakutshina to!

   Yehowa udi nanyi, tshiakutshina to!

2. 2. Dilolo, mmona mu meji, mvuluka

   Ntatu ya munt’uvua pa tshibasa.

   Me’ kusambila bua mmupinganyine;

   Nunku, bulelela nebumusambe.

   (DIPUNGULUJA)

   Munda muanyi meme, ditabuja ndia bungi; eyo,

   Yehowa udi nanyi, tshiakutshina to!

   Yehowa udi nanyi, tshiakutshina to!

   (KALAMBA)

   Bu kapia munda, mu muoyo wanyi,

   Mêy’aa, nengâmbe: mêy’a Nzambi.

   Dîna diende, nendimanyishe;

   Too ne ku ndekelu, meme nenyishe.

   Mvit’eyi mmiela bawetu bonso.

   Nendikoleshe mu malu’onso,

   Ngeyemena Yehowa mu bionso,

   Muindile malay’ende onso.

3. 3. Butuku, me’ kuya bua kulala,

   Ngela Yehowa tuasakidila.

   Tshianduila malaba tshinkamanyi;

   Tshibi tshiakuikala me’ nkayanyi.

   (DIPUNGULUJA)

   Munda muanyi meme, ditabuja ndia bungi; eyo,

   Yehowa udi nanyi, tshiakutshina to!

   Yehowa udi nanyi, tshiena ntshina to!