Ooyo. Joneno mag Jehova gin Jokristo, kata kamano, ok gin Jo-Protestant. Ang’o momiyo en kamano?

 Jo-Protestant gin joma ne okwedo yie mar Roman Catholic. Kata obedo ni Joneno bende ok oyie gi puonj mag din mar Katholik, ok gikwakwanre ni gin Jo-Protestant, to mano en nikech weche maluwogi:

1.   Nitie puonj mogwaro mag Jo-Protestant ma ok luwre gi puonj mag Muma. Kuom ranyisi, Muma puonjo ni “Nyasaye en achiel,” ok en Didek. (1 Timotheo 2:5; Johana 14:28) Mano nyiso ni Nyasaye kumo joma richo kuom kethogi chuth to ok kuom wang’ogi e mach ma nyaka chieng’.​—Zaburi 37:9; 2 Jo-Thesalonika 1:9.

2.   Ok waketo chenro mar kwedo din mar Katholik kendo ok watem kelo lokruok e dinno kata e din moro amora. Walando wach maber mar Pinyruodh Nyasaye mondo wakony ji oket yie kuom wach maberno. (Mathayo 24:14; 28:​19, 20) Gimaduong’ ma wadwaro timo en puonjo ji adiera e wi Nyasaye kod Wachne, ma en Muma. To ok kelo lokruok e dinde mamoko.​—Jo-Kolosai 1:​9, 10; 2 Timotheo 2:​24, 25.