Se lamour pou Bondie ek zot prosin ki pous bann Temwin Zeova pou partaz mesaz ki ena dan Labib ar bann dimounn mem si zot inn deza dir ki sa pa interes zot. (Matie 22:37-39) Sa mem lamour la pous zot pou obeir komannman so Garson setadir “pou donn temwaniaz afon.” (Zistwar Bann Apot 10:42; 1 Zan 5:3) Pou fer sa, nou aport mesaz Bondie plis ki enn fwa, parey kouma bann ansien profet Bondie ti fer. (Zeremi 25:4) Parski nou kontan nou prosin, nou partaz “bon nouvel Rwayom” Bondie ki enn mesaz ki sov lavi bann dimounn. Nou esey partaz sa mesaz-la ar zot tou, mem ar bann seki o-koumansman pa ti interese.​—Matie 24:14.

 Souvan nou zwenn bann dimounn ki interese kan nou retourn dan bann lakaz kot bann dimounn pa ti interese avan. Anou get trwa rezon:

•   Bann dimounn demenaze.

•   Lezot manb lafami montre lintere ar nou mesaz.

•   Dimounn sanze. Bann levennman mondial ouswa bann sitiasion personel fer ki sertin pran plis konsians “ki zot bizin direksion Bondie” ek interes zot ar mesaz ki ena dan Labib. (Matie 5:3) Leker bann dimounn ki opoze ar mesaz ki ena dan Labib kapav sanze, parey kouma lapot Pol.​—1 Timote 1:13.

 Me selman, nou pa fors personn pou ekout nou mesaz. (1 Pier 3:15) Nou panse ki sak dimounn bizin pran so prop desizion konsernan so ladorasion.​—Deteronom 30:19, 20.