Aprann Konn Bondie ek Vinn So Kamarad
Nou Kreater Li pa zis enn lafors. Li ena bann extra zoli kalite. Ek Li anvi ki nou aprann konn Li ek vinn pros ar Li. (Zan 17:3, NW; Zak 4:8) Akoz sa ki Li’nn fer nou konn boukou kitsoz lor Li.
Nou Kreater Ena enn Nom
“Ki bann dimounn kone ki twa, ki apel Zeova, to tousel Treo lor later antie.”—PSOM 83:18, NW.
Labib ansegn nou ki Zeova Li sel vre Bondie. Limem ki finn kree liniver ek lavi. Zis Li tousel ki merit nou ladorasion.—Revelasion 4:11.
Zeova Li enn Bondie ki Ena Lamour
“Bondie limem lamour.”—1 ZAN 4:8.
Zeova servi Labib ek tou seki Li finn kree pou ansegn nou so bann kalite. Lamour se so kalite pli inportan. Tou seki Li fer, li motive par lamour. Plis nou aprann konn Zeova, plis nou kontan Li.
Zeova Li enn Bondie ki Pardone
“To enn Bondie ki pre pou pardone.”—NEEMI 9:17.
Zeova kone ki nou inparfe. Alor, Li ‘pre pou pardonn’ nou. Kan nou demann Li pardon ek ki nou fer zefor pou aret fer bann move kitsoz, Li pou pardonn nou ek Li pa pou pini nou akoz bann pese ki nou’nn fer.—Psom 103:12, 13.
Zeova Kontan ki Nou Priye Li
“Zeova pre avek tou bann ki apel Li . . . Li tann zot kan zot demann Li led.”—PSOM 145:18, 19, NW.
Zeova pa demann nou pou fer bann diferan sistem ouswa pou servi bann obze ouswa zimaz pou ador Li. Parey kouma enn paran ki ekout so bann zanfan ki li bien kontan, Bondie ekout nou bann lapriyer.
Ena Osi
REPONS POU BANN KESTION BIBLIK
Kisannla Zeova Ete?
Eski Li Bondie pou zis enn pep, kouma par exanp bann Izraelit?
REPONS POU BANN KESTION BIBLIK
Eski Bondie Li Zis enn Lafors?
Labib dir ki Bondie finn kree tou kitsoz, me eski Li gagn nou traka?
