Yendu bua niib ń gii be pamann n ninŋ i tinŋ po. U bua niib, l po n te k u tag tinŋ yen yal be tinŋ po kul. L ji kan wai, Yendu bu lebd bona g te ŋanduna niib kul binbem nba ŋan. U bu nyan ŋanduna niib cicagm kul n ninŋ.—Lii 1Timote 6:19.

Gobna g be ŋanduna ne ninŋ g bu fid g nyan biɛdm, kunkɔna, yiɛli yen kuum. Ama laabamann be. L ji kan wai, Yendu bu biɛn ŋanduna gobna-nba kul g kaan u yul po gobna. U niib tan baa be pamann yen laafiɛ n ninŋ i.—Lii Dɔgdu 11:15; 21:3, 4.

Youg nba g Yendu bu biɛn nibiid ŋanduna n ninŋ i g cicagm bu gbenn. (2 Tɛsaloniik Kristo-yab 1:8) L kul ne bu tien bɛ youg u? Yendu kadaaɔg bo tuod g maad bonbiid nba tie dinne ne maam. Bontitebiid nba tie dinne ne ŋɔnŋ g youg nba g Yendu bu lebd bona ji g fag.—Lii 2 Timote 3:1-5.

L bual k tin gii lii Biibl i g bann Yendu n tie yua nba. Biibl tie kadaaɔg u k t baa nba bua’ti diɛn g tie’ti. Youg nba k t kpaan tin bann Biibl n tund yal, siɛb pala kan gii man. Ama daa ŋaa niib ń pan’a ŋan daa la binbem nba ŋan wonn po.—Lii Matieog 5:10-12; Dɔgdu 14:6, 7.