Muli Baibo mwaya amano angatwazwa mu mikalile itu. Ndi cakuti mukuiwelenga nu kwelenganyapo lyonsi, alino nu kuomvya vino mukusambilila, ‘mulatunguluka.’ (Yoswa 1:8; Masamu 1:1-3) Nupya mulamanya Leza nu Mwanakwe, Yesu, nupya ukumanya kuko kulalenga mwize mupusuke.—Yoane 17:3.

Uzye mulinzile ukutandikila kwi pa kuwelenga amabuku aya muli Baibo? Mulinzile ukuisoolwela.Utantiko uu uwa miwelengele yakwe Baibo umamwazwa ukulawelenga mabuku amuli Baibo muumu kwene muno yakonkanila nanti mu viputulwa. Insita zimwi mungasoolola iviputulwa ivikalanda pali vino Leza waombanga na ina Izlaeli. Nupya mungawelenga iviputulwa na vyuze pali vino cilongano ca Ina Klistu catandike nu kukula. Ndi cakuti mukuwelenga ivipande ivingiko cila wanda, mungamala ukuwelenga Baibo pa mwaka onga.

Ndi cakuti mukulonda inzila ino mungaomvya pa kuwelenga Baibo cila wanda, inzila ino mungaomvya pakuti mumale kuwelenga Baibo pa mwaka onga, nanti inzila ino akutandika sile ukuwelenga Baibo yangalondela, utantiko uu ungamwazwa. Citini daunilodi utantiko uu wa nzila zino mungaomvya pa kuwelenga Baibo, nu kutandika ukuwelenga ilelo wene.