Uzye ya Nte Yakwe Yeova Yazumila Umu Upangano wa Mpiti?
Ee. Inte Zyakwe Yeova zyazumila ukuti Baibo yonsi “yafuma kuli Leza nupya yayelako ku kusambilizya.” (2 Timoti 3:16) Camanyikwa ukuti muli Baibo mwaya Upangano wa Mpiti alino nu Upangano Upya. Ya Nte Yakwe Yeova yene yakaama iviputulwa vii vya muli Baibo ukuti Malembelo ya Ciyebulai na Malembelo ya Cigliki Aa Ina Klistu. Kucita vii kukalenga citaaloleka kwati malembelo yamwi muli Baibo yaata ukuomba ndakai.
U mulandu ci uno Icipangano Cipya ni ca Mpiti vyacindamila uku Ina Klistu?
Leza wanenyile umutumwa Paulo ukulemba ukuti: “Vyonsi ivyalembwa mu malembelo vyalemvilwe ku kutusambilizya.” (Loma 15:4) Acino umu Malembelo ya Ciyebulai, mwaya ivyeo ivingi vicindame napya ivikatwazwa. Tukasambililako pa vintu ivyacitike mpiti na vino malyasi yayo yakatusunda.
Vino malyasi ya mpiti yakatusambilizya. Malembelo a Ciyebulai yalanda pa uumbo, alino na vino antu yayembwike. Kwaula vivyo, tutanga tuzane masuko ku mauzyo wakwe yaa: Aekwi kuno twaafuma? U mulandu ci uno antu yakafwila? (Utandiko 2:7; 17) Alino Malembelo a Ciyebulai yalanda na pali vino Yeova Leza waomvile na antu aaliko mpiti aakweti insansa ni ntazi ndi zino naswe kwene tukakwata ndakai.—Yakobo 5:17.
Yakatupandako amano. Mwi buku lyakwe Mapinda na Kasambilizya mwaya ivintu vicindame vino tukasambilila ivingatwazwa ndakai. Mabuku yaa yakatusambilizya vino tungaya ni nsansa umu lupwa (Mapinda 15:17), vino tungaomba ningo izya ncito (Mapinda 10:4; Kasambilizya 4:6), na vino acance yangaomba ningo lino yacili ance. (Kasambilizya 11:9–12:1).
Cuze i cakuti tungasambilila ivingi ku Masunde yano Leza wapile Mose ndi vino calembwa mu mabuku aakutandikilako 5. Nanti cakuti Aina Klistu yasitungululwa na Masunde aapiilwe kuli Mose, mwaya ivisinte vicindame vino tungasambililako napya ivingatwazwa pakuti tuye ni nsansa.—Aina Levi 19:18; Malango 6:5-7.
Limwi Mungatemwa Ukulolako na Vii
MASUKO KU MAUZYO AMULI BAIBO
Uzye Masunde 10 Yakwe Leza Ali Vyani?
Aaweni yano Masunde 10 yapeezilwe? Uzye Aina Klistu yalinzile ukuyalondela?
MASAMBILILO AA MULI BAIBO AACINDAME
Uzye Amazwi Aaya Muli Baibo Akwe Weni?
Ngi cakuti Baibo yalemvilwe na antu, uzye ingaamwa ukuti Izwi Lyakwe Leza? Uzye muli Baibo mwaya melenganyo yakwe weni?
PALI SWESWE
Leengini Ukuti ya Nte Yakwe Yeova Yakamutandalile
Mukalanzyanye ivya muli Baibo na ya Nte Yakwe Yeova, nanti mukeezyeko ukusambilila Baibo ukuomvya inzila ino twatantika.
MAUZYO YANO ANTU YAKAUZYA SANA
Uzye ya Nte Yakwe Yeova Yaikwatila Baibo Wao?
Ukuomvya Mabaibo apusanepusane kungamwazwa ukuisambilizya ningo Baibo. Ivintu vitatu vyalenga ukuti Baibo wa Nsi Ipya Uwa Malembo ya Muzilo azipe ukuomvya pa kuisambilizya.