Древна книга со совети за нашево време
Многу луѓе ја почитуваат Библијата како света книга. Но, освен што ни ја открива вистината за Бог, таа содржи и корисни совети за секојдневниот живот.
Забележи каква корист имале некои луѓе од тоа што ја читале Библијата и ги применувале нејзините совети.
„Сега водам многу посмирен живот. Се чувствувам подобро и во умствен и во емоционален поглед. Научив да размислувам попозитивно“ (Фиона).
„Откако ја проучувам Библијата, најдов вистинска смисла во животот“ (Елена).
„Мојот живот во голема мера се промени на подобро. Сега работам помалку и поминувам повеќе време со семејството“ (Ендру).
Фиона, Елена и Ендру не се единствените што сфатиле колку е корисна Библијата. Многу луѓе низ целиот свет откриле дека таа содржи практични совети за секојдневниот живот.
Да видиме како Библијата може да ни помогне да си ги подобриме:
физичкото здравје
емоционалното здравје
односите со семејството и пријателите
начинот на кој раководиме со парите
духовноста
Во следните статии ќе видиме дека Библијата не е само света книга, туку дека може многу да ти користи во секојдневниот живот.