ശുദ്ധീകരണസ്ഥലത്തെക്കുറിച്ച് ബൈബിൾ പറയുന്നുണ്ടോ?
ബൈബിളിന്റെ ഉത്തരം
ഇല്ല, ഒരിക്കലുമില്ല. “ശുദ്ധീകരണസ്ഥലം” എന്ന വാക്കുപോലും ബൈബിളിൽ ഇല്ല. മരിച്ചവരുടെ ആത്മാക്കളെ ശുദ്ധീകരിക്കുന്ന ഒരു സ്ഥലം ഉണ്ടെന്നും അത് പഠിപ്പിക്കുന്നില്ല. a പാപത്തെയും മരണത്തെയും കുറിച്ച് ബൈബിൾ എന്താണ് പഠിപ്പിക്കുന്നത് എന്ന് പരിശോധിക്കുക. അത് ശുദ്ധീകരണസ്ഥലം എന്ന പഠിപ്പിക്കലിൽനിന്ന് എത്രയോ വ്യത്യസ്തമാണെന്ന് തിരിച്ചറിയുക.
ഒരു വ്യക്തിയുടെ പാപം ശുദ്ധീകരിക്കപ്പെടുന്നത് ശുദ്ധീകരണസ്ഥലത്തുവെച്ചല്ല. മറിച്ച്, അയാൾ യേശുവിന്റെ ചൊരിയപ്പെട്ട രക്തത്തിൽ വിശ്വാസം അർപ്പിക്കുമ്പോഴാണ്. ബൈബിൾ പറയുന്നു: “(ദൈവത്തിന്റെ) പുത്രനായ യേശുവിന്റെ രക്തം എല്ലാ പാപങ്ങളിലുംനിന്നു നമ്മെ ശുദ്ധീകരിക്കുന്നു.” മറ്റൊരു ഭാഗത്ത് ഇങ്ങനെ പറയുന്നു: “യേശുക്രിസ്തു . . . സ്വന്തം രക്തത്താൽ നമ്മെ പാപത്തിൽനിന്നു മോചിപ്പിക്കുകയും” ചെയ്തിരിക്കുന്നു എന്ന്. (1 യോഹന്നാൻ 1:7; വെളിപാട് 1:5, 6, പി.ഒ.സി. ബൈബിൾ) അനേകരുടെ പാപങ്ങൾക്ക് “മോചനദ്രവ്യമായി സ്വജീവൻ” യേശു കൊടുത്തു.—മത്തായി 20:28, പി.ഒ.സി.
മരിച്ചുപോയവർ ഒന്നും അറിയുന്നില്ല. “ജീവിക്കുന്നവർക്കറിയാം തങ്ങൾ മരിക്കുമെന്ന്, മരിച്ചവരാകട്ടെ ഒന്നും അറിയുന്നില്ല.” (സഭാപ്രസംഗകൻ 9:5, പി.ഒ.സി.) ഒന്നും അറിയാനാകാത്തതുകൊണ്ട് വേദന അറിയാനും കഴിയില്ല. അതുകൊണ്ടുതന്നെ ശുദ്ധീകരണസ്ഥലത്തെ തീകൊണ്ട് അദ്ദേഹത്തെ ശുദ്ധീകരിക്കാനും കഴിയില്ല.
ഒരു വ്യക്തി മരിച്ചാൽ, പിന്നെ അദ്ദേഹത്തിന്റെ പാപങ്ങൾക്ക് വേറെ ശിക്ഷയില്ല. “മരിച്ചവൻ പാപത്തിൽനിന്നു മോചിതനായിരിക്കുന്നു” എന്നും “പാപത്തിന്റെ വേതനം മരണമാണ്” എന്നും ബൈബിൾ പറയുന്നു. (റോമർ 6:7, 23, പി.ഒ.സി.) പാപത്തിന്റെ ശിക്ഷ പൂർണമായും മരണത്തോടെ അവസാനിക്കുന്നു.
a ഓർഫ്യൂസ്: മതങ്ങളുടെ ഒരു പൊതുചരിത്രം (ഇംഗ്ലീഷ്) എന്ന പുസ്തകം ശുദ്ധീകരണസ്ഥലത്തെക്കുറിച്ച് പറയുന്നത് ഇങ്ങനെ: “സുവിശേഷങ്ങളിൽ അതെക്കുറിച്ച് ഒരു വാക്കുപോലും പറയുന്നില്ല.” അതുപോലെ, പുതിയ കത്തോലിക്കാ സര്വവിജ്ഞാനകോശം (ഇംഗ്ലീഷ്) പറയുന്നു: “വിശകലനത്തിന്റെ ഒടുവിൽ മനസ്സിലായ സംഗതി ഇതാണ്: ശുദ്ധീകരണസ്ഥലം എന്ന കത്തോലിക്ക പഠിപ്പിക്കലിന്റെ അടിസ്ഥാനം പാരമ്പര്യങ്ങൾ ആണ്. അല്ലാതെ വിശുദ്ധ എഴുത്തുകൾ അല്ല.”—രണ്ടാം പതിപ്പ്, വാല്യം 11, പേജ് 825.
b പുതിയ കത്തോലിക്കാ സർവവിജ്ഞാനകോശം (ഇംഗ്ലീഷ്), രണ്ടാം പതിപ്പ്, വാല്യം 11, പേജ് 824 കാണുക.