പുത്തൻ തലമുറയ്‌ക്ക്‌ ഒരു പുരാതനഗ്രന്ഥം
മിക്ക ആളുകളും ബൈബിളിനെ ഒരു മതഗ്രന്ഥം എന്ന നിലയിൽ ആദരിക്കുന്നു. എന്നാൽ ഈ വിശുദ്ധഗ്രന്ഥം ദൈവത്തെ ആരാധിക്കേണ്ടത്‌ എങ്ങനെയെന്നു വിവരിക്കുക മാത്രമല്ല ചെയ്യുന്നത്‌. നിത്യജീവിതത്തിൽ പ്രയോജനം ചെയ്യുന്ന പല നിർദേശങ്ങളും അതു തരുന്നുണ്ട്‌.
ബൈബിൾ വായിച്ചതിലൂടെയും അതിലെ ഉപദേശങ്ങൾ അനുസരിച്ചതിലൂടെയും കിട്ടിയ പ്രയോജനത്തെക്കുറിച്ച്‌ ചിലർ പറയുന്നതു ശ്രദ്ധിക്കൂ.
“ഇപ്പോൾ എന്റെ ജീവിതം ഒരുപാട്‌ മാറി. ഞാൻ ചിന്തിക്കുന്ന രീതിയും എന്റെ സ്വഭാവവും മെച്ചപ്പെട്ടു. എനിക്ക്‌ ഇപ്പോൾ നല്ല സന്തോഷമുണ്ട്‌.”—ഫിയോണ.
“ബൈബിൾ പഠിച്ചപ്പോൾ ജീവിതത്തിന്‌ അർഥമുണ്ടെന്നും ലക്ഷ്യമുണ്ടെന്നും ഞാൻ മനസ്സിലാക്കി.”—നിക്കോ.
“എനിക്ക്‌ ഒരുപാട്‌ മാറ്റങ്ങൾ വന്നു. ജോലി, ജോലി എന്ന ഒറ്റ വിചാരമല്ല എനിക്ക്‌ ഇപ്പോൾ. കുടുംബത്തോടൊപ്പം ആയിരിക്കാൻ ഞാൻ സമയം കണ്ടെത്തുന്നു.”—ആൻഡ്രു.
ഇതുപോലുള്ള അഭിപ്രായങ്ങൾ അനേകം ആളുകൾക്കുണ്ട്‌. അനുദിന ജീവിതത്തിൽ പ്രയോജനം ചെയ്യുന്ന ഒരുപാട്‌ നിർദേശങ്ങൾ ബൈബിളിലുണ്ടെന്ന കാര്യം ലോകത്തെങ്ങുമുള്ള പലയാളുകളും മനസ്സിലാക്കിയിരിക്കുന്നു.
പിൻവരുന്ന കാര്യങ്ങളിൽ ബൈബിളിന്‌ എങ്ങനെയാണ്‌ ആളുകളെ സഹായിക്കാൻ കഴിയുന്നതെന്നു നോക്കാം.
ശാരീരികാരോഗ്യം
മാനസികാരോഗ്യം
കുടുംബം, സൗഹൃദം
സാമ്പത്തികം
ആത്മീയത
ബൈബിൾ ഒരു വിശുദ്ധപുസ്‌തകം മാത്രമല്ല, നിങ്ങളെ പല വിധങ്ങളിൽ സഹായിക്കുന്ന വിവരങ്ങൾ അതിലുണ്ട്‌. ഇനിയുള്ള ലേഖനങ്ങളിൽ അതു കാണാം.
