ബൈബിൾവിദ്യാഭ്യാസത്തിനു ജീവിതം മെച്ച​പ്പെ​ടു​ത്താ​നുള്ള അതിശ​യി​പ്പി​ക്കുന്ന കഴിവുണ്ട്‌. ഇതിന്‌ ഉദാഹ​ര​ണ​മാ​ണു റിക്കാ​ഡോ​യും ആൻഡ്രി​സും.

റിക്കാ​ഡോ: ചോര​ത്തി​ള​പ്പി​ന്റെ 15-ാം വയസ്സിൽ ഞാൻ ഒരു ഗുണ്ടാ​സം​ഘ​ത്തിൽ ചേർന്നു. എന്റെ പുതിയ കൂട്ടു​കാർ എന്നെ ഒരുപാ​ടു സ്വാധീ​നി​ച്ചു. 10 വർഷത്തെ ജയിൽവാ​സ​മാ​യി​രു​ന്നു എന്റെ ലക്ഷ്യം! അതു ശുദ്ധമ​ണ്ട​ത്ത​ര​മാ​യി തോന്നി​യേ​ക്കാം. പക്ഷേ ജയിലിൽ കിടന്ന​വരെ ഒരുപാട്‌ ആദരി​ക്കു​ക​യും ബഹുമാ​നി​ക്കു​ക​യും ചെയ്‌തി​രു​ന്ന​വ​രാ​യി​രു​ന്നു എന്റെ നാട്ടു​കാർ. അവരുടെ ആദരവ്‌ കിട്ടാൻ ഞാനും ആഗ്രഹി​ച്ചു.

ഗുണ്ടാ​സം​ഘ​ത്തി​ന്റെ എല്ലാ പരിപാ​ടി​കൾക്കും ഞാനു​മു​ണ്ടാ​യി​രു​ന്നു; മയക്കു​മ​രുന്ന്‌, സെക്‌സ്‌, അടിപി​ടി അങ്ങനെ എല്ലാത്തി​നും. ഒരു രാത്രി​യു​ണ്ടായ അടിപി​ടി​യിൽ വെടി​വെ​പ്പു​ണ്ടാ​യി. ഞാൻ വിചാ​രി​ച്ചു എന്റെ കാര്യം തീർന്നെന്ന്‌. പക്ഷേ ഒരു പോറ​ലു​പോ​ലും പറ്റിയില്ല. അതിനു ശേഷം ഞാൻ എന്റെ ജീവി​ത​ത്തെ​ക്കു​റി​ച്ചും ലക്ഷ്യ​ത്തെ​ക്കു​റി​ച്ചും കാര്യ​മാ​യി ചിന്തി​ക്കാൻ തുടങ്ങി. എങ്ങനെ​യും രക്ഷപ്പെട്ടേ പറ്റൂ എന്നു ഞാൻ ഉറപ്പിച്ചു. പക്ഷേ എങ്ങനെ? ആരു സഹായി​ക്കാൻ?

എന്റെ മിക്ക ബന്ധുക്കൾക്കും എപ്പോ​ഴും പ്രശ്‌ന​ങ്ങ​ളാ​യി​രു​ന്നു. അവർക്കൊ​ന്നും സന്തോ​ഷ​മു​ണ്ടാ​യി​രു​ന്നില്ല. പക്ഷേ ഒരു അങ്കിളി​ന്റെ കുടും​ബ​ത്തിൽ മാത്രം അങ്ങനെ​യ​ല്ലാ​യി​രു​ന്നു. അവർ നല്ലവരാ​ണെ​ന്നും ബൈബിൾത​ത്ത്വ​ങ്ങ​ള​നു​സ​രിച്ച്‌ ജീവി​ക്കു​ന്ന​വ​രാ​ണെ​ന്നും എനിക്ക്‌ അറിയാ​മാ​യി​രു​ന്നു. ദൈവ​ത്തി​ന്റെ പേര്‌ യഹോവ എന്നാ​ണെന്ന്‌ അവർ പറഞ്ഞ്‌ എനിക്ക്‌ അറിയാം. ആ വെടി​വെപ്പു കഴിഞ്ഞ്‌ അധികം വൈകാ​തെ യഹോ​വ​യു​ടെ പേര്‌ വിളിച്ച്‌, ‘എന്നെ സഹായി​ക്കേ​ണമേ’ എന്നു ഞാൻ പ്രാർഥി​ച്ചു. തൊട്ട​ടുത്ത ദിവസം​തന്നെ ഒരു യഹോ​വ​യു​ടെ സാക്ഷി വീട്ടി​ലെത്തി! ഞാൻ ബൈബിൾ പഠിക്കാൻ തുടങ്ങി.

പഴയ കൂട്ടു​കാർ ഓരോ കാര്യ​ത്തി​നും എന്നെ വിളി​ക്കാൻ തുടങ്ങി. അതു വലി​യൊ​രു പ്രശ്‌ന​മാ​യി​രു​ന്നു. പറയാൻ പാടാ​യി​രു​ന്നെ​ങ്കി​ലും പറ്റി​ല്ലെ​ന്നു​തന്നെ ഞാൻ അവരോ​ടു പറഞ്ഞു. ബൈബിൾപ​ഠനം മുടങ്ങാ​തെ കൊണ്ടു​പോ​കാൻ ഞാൻ തീരു​മാ​നി​ച്ചു. അതിൽ എനിക്ക്‌ ഒരുപാ​ടു സന്തോ​ഷ​മുണ്ട്‌. എന്റെ ജീവിതം അടിമു​ടി മാറി, യഥാർഥ​സ​ന്തോ​ഷം എന്താ​ണെന്നു ഞാൻ മനസ്സി​ലാ​ക്കി.

ആളുകൾ എന്നെ ഒരു ഗുണ്ടയാ​യി കണ്ട്‌ പേടിക്കുകയും ബഹുമാ​നി​ക്കു​ക​യും ചെയ്യാൻ പത്തു വർഷം ജയിലിൽ കിടക്കാൻ പറ്റണേ എന്നു പണ്ടു ദൈവ​ത്തോ​ടു പ്രാർഥി​ച്ചത്‌ എനിക്ക്‌ ഓർമ​യുണ്ട്‌. പക്ഷേ പിന്നീട്‌, എനിക്കു സഹായം ലഭിച്ച​തു​പോ​ലെ മറ്റുള്ള​വരെ സഹായി​ക്കാൻ പത്തു വർഷ​മെ​ങ്കി​ലും മുഴുവൻ സമയം സുവി​ശേ​ഷ​പ്ര​വർത്തനം ചെയ്യാൻ സഹായി​ക്കേ​ണമേ എന്നു ഞാൻ പ്രാർഥി​ച്ചു. ദൈവം എന്റെ പ്രാർഥന കേട്ടു. 17 വർഷമാ​യി ഞാൻ മുഴു​സമയ സുവി​ശേ​ഷ​ക​നാണ്‌. പിന്നെ ഒരു കാര്യം കൂടി: എനിക്ക്‌ ഇതുവരെ ജയിലിൽ കിട​ക്കേണ്ടി വന്നിട്ടില്ല.

പക്ഷേ എന്റെ പഴയ കൂട്ടു​കാ​രിൽ പലരും ഇന്നു നീണ്ട ജയിൽവാ​സ​ത്തി​ലാണ്‌. ചിലർ ഇന്ന്‌ ഇല്ല. സാക്ഷി​ക​ളായ എന്റെ ആ ബന്ധുക്ക​ളോട്‌ എനിക്ക്‌ ഒരുപാ​ടു നന്ദിയുണ്ട്‌. ബൈബിൾ പറയു​ന്ന​തു​പോ​ലെ വ്യത്യ​സ്‌ത​രാ​യി ജീവി​ക്കാൻ അവർ മനസ്സു  കാണിച്ചു. ഗുണ്ടാ​സം​ഘ​ത്തിൽ ഉണ്ടായി​രുന്ന ആരോടു തോന്നി​യ​തി​നെ​ക്കാ​ളും ആദരവ്‌ എനിക്ക്‌ അവരോ​ടു തോന്നി. ഏറ്റവും പ്രധാ​ന​മാ​യി, നന്നായി ജീവി​ക്കാൻ പഠിപ്പി​ക്കു​ന്ന​തിന്‌ എനിക്കു ദൈവ​ത്തോട്‌ ഒരുപാ​ടു നന്ദിയുണ്ട്‌.

ആൻഡ്രിസ്‌: കൊല​യും കൊള്ള​യും മയക്കു​മ​രു​ന്നും വേശ്യാ​വൃ​ത്തി​യും ഒക്കെ സാധാ​ര​ണ​മാ​യി​രുന്ന ഒരു ചുറ്റു​പാ​ടി​ലാ​ണു ഞാൻ ജനിച്ച​തും വളർന്ന​തും. മദ്യത്തി​നും മയക്കു​മ​രു​ന്നി​നും അടിമ​യാ​യി​രു​ന്നു എന്റെ ഡാഡി. ഡാഡി​യും മമ്മിയും തമ്മിൽ എപ്പോ​ഴും അടിയും വഴക്കും ആയിരു​ന്നു.

ചെറു​പ്പ​ത്തിൽത്ത​ന്നെ ഞാൻ മദ്യവും മയക്കു​മ​രു​ന്നും ഉപയോ​ഗിച്ച്‌ തുടങ്ങി. കൂടുതൽ സമയവും ഞാൻ തെരു​വി​ലാ​യി​രു​ന്നു. കക്കലും കട്ട മുതൽ വിൽക്ക​ലും ആയിരു​ന്നു എന്റെ പണി. മുതിർന്ന​പ്പോൾ ഡാഡി എന്നോട്‌ അടുക്കാൻ ശ്രമിച്ചു. പക്ഷേ, അത്‌ മയക്കു​മ​രു​ന്നും നിയമ​വി​രു​ദ്ധ​മായ മറ്റു സാധന​ങ്ങ​ളും എങ്ങനെ രാജ്യ​ത്തേക്ക്‌ ഒളിച്ച്‌ കടത്തി വിൽക്കാ​മെന്നു പഠിപ്പി​ക്കാ​നാ​യി​രു​ന്നു. അങ്ങനെ ഞാൻ പെട്ടെന്നു പണക്കാ​ര​നാ​യി. പക്ഷേ ഒരു ദിവസം പോലീസ്‌ വീട്ടിൽ വന്ന്‌ എന്നെ അറസ്റ്റു ചെയ്‌തു. പിന്നെ അഞ്ചു വർഷം വധശ്ര​മ​ത്തി​നു ഞാൻ ജയിലിൽ കിടന്നു.

ഒരു ദിവസം രാവിലെ ജയിലിൽ ഒരു അറിയി​പ്പു നടത്തി. യഹോ​വ​യു​ടെ സാക്ഷികൾ നടത്തുന്ന ഒരു ബൈബിൾചർച്ച​യ്‌ക്കു ജയിൽപ്പു​ള്ളി​കളെ ക്ഷണിച്ചു​കൊ​ണ്ടു​ള്ള​താ​യി​രു​ന്നു അത്‌. അതിനു പോകാൻ ഞാൻ തീരു​മാ​നി​ച്ചു. അവർ പറഞ്ഞതു ശരിയാ​ണെന്നു തോന്നി, ഞാൻ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങി. ദൈവ​ത്തി​ന്റെ ഉയർന്ന നിലവാ​ര​ങ്ങ​ളെ​ക്കു​റിച്ച്‌ ബൈബിൾ എന്താണോ പറയു​ന്നത്‌, അതു സത്യസ​ന്ധ​മാ​യി അവർ പഠിപ്പി​ച്ചു.

ഞാൻ പഠിക്കു​ന്നത്‌ ഇഷ്ടപ്പെ​ടാ​തി​രുന്ന മറ്റു തടവു​കാർ എന്നെ ഭീഷണി​പ്പെ​ടു​ത്തു​മാ​യി​രു​ന്നു. അങ്ങനെ​യൊ​ക്കെ ഉള്ളതു​കൊണ്ട്‌ ഒരു സഹായ​വും കൂടാതെ മാറ്റങ്ങൾ വരുത്താൻ പറ്റി​ല്ലെന്ന്‌ എനിക്കു പെട്ടെന്നു മനസ്സി​ലാ​യി. ഞാൻ ധൈര്യ​ത്തി​നും ജ്ഞാനത്തി​നും വേണ്ടി യഹോ​വ​യോ​ടു പ്രാർഥി​ച്ചു. അവരുടെ ഭീഷണി​ക്കു വഴങ്ങു​ന്ന​തി​നു പകരം ബൈബി​ളി​ലെ കാര്യങ്ങൾ അവരോ​ടു സംസാ​രി​ക്കാ​നുള്ള ധൈര്യം​പോ​ലും എനിക്കു കിട്ടി.

ജയിൽവാ​സം കഴിയാ​റാ​യ​പ്പോൾ, കുറച്ച്‌ കാലം​കൂ​ടി ജയിലിൽ കഴിയാൻ പറ്റി​യെ​ങ്കിൽ എന്നു ഞാൻ ആശിച്ചു​പോ​യി! ജയിൽനിന്ന്‌ ഇറങ്ങി​യ​പ്പോൾ ധാരാളം തടവു​കാർ എന്നെ സന്തോ​ഷ​ത്തോ​ടെ യാത്ര​യാ​ക്കി. ചിലർ വാത്സല്യ​ത്തോ​ടെ ഇങ്ങനെ പറഞ്ഞു: “ബൈ ബൈ കുഞ്ഞ്‌ ഇടയാ.”

ബൈബിൾ പഠിക്കാൻ ഞാൻ മനസ്സു കാണി​ച്ചി​ല്ലാ​യി​രു​ന്നെ​ങ്കിൽ എന്റെ അവസ്ഥ എന്താ​യേനേ എന്ന്‌ ആലോ​ചി​ക്കു​മ്പോൾ എനിക്കു പേടി തോന്നും. ദൈവം എന്നെ സ്‌നേ​ഹി​ക്കു​ന്ന​തി​ലും എന്നെ എഴുതി​ത്ത​ള്ള​ഞ്ഞാ​തി​ലും ഞാൻ ദൈവ​ത്തിന്‌ ഒരുപാ​ടൊ​രു​പാ​ടു നന്ദി പറയുന്നു. *