Bark pʋʋsgo, Kiris maoongã yĩnga
-
1. Zeova, tõnd fãa wata
fo geerã taoor rũndã,
n na n pʋʋs bark f nonglem
sẽn ka to wã yĩnga.
Fo sẽn kɩt tɩ f Biigã wa ki
tɩ yɩ maoongo,
tɩ d tõe n wa paam vɩɩmã sɩd yaa
nonglem hakɩɩka.
(REESGO)
A wa n kii tõnd fãagr yĩnga.
A zɩɩmã raaga tõnd yĩnga.
Yaa ne d sũy fãa
la d rat n pʋʋs f bark wakat buud fãa.
-
2. Yɩɩ ne yamleoog la a Zeezi
sẽn sak n ki wã.
A sẽn nong tõndã yĩng
la a sẽn sak n kõ a vɩɩmã.
Ãdem-biisã ra pa tar b
sẽn na n maan ye.
La masã wã tõnd tõe n wa paama
vɩɩm sẽn kõn sa.
(REESGO)
A wa n kii tõnd fãagr yĩnga.
A zɩɩmã raaga tõnd yĩnga.
Yaa ne d sũy fãa
la d rat n pʋʋs f bark wakat buud fãa.
(Ges-y Ebre. 9:13, 14; 1 Pɩy. 1:18, 19.)
