Bõe la Biiblã yeta?
Y sã n maand yɩɩr tɩ looge, Biiblã tõe n sõng-y lame bɩ?
Y na n leokame tɩ . . .
n-ye
ayo
m pa mi ye
Biiblã sẽn yete
“Sik-y yãmb yɩɩrã fãa n bas ne bãmba [Wẽnnaam], bala, bãmb n get yãmb yelle.” (1 Pɩyɛɛre 5:7) Biiblã yetame tɩ y bas y yam tɩ Wẽnnaam tõe n sõng-y lame tɩ y yɩɩrã booge.
Rẽ wɛɛngẽ, bõe me la d tõe n bãng Biiblã pʋgẽ?
Ne pʋʋsgã maasem, y tõe n paama “Wẽnnaam laafɩ” wã, tɩ y yɩɩrã booge. —Filip-rãmbã 4:6, 7.
Wẽnnaam Gomdã kareng me tõe n sõng-y lame tɩ y tõog n mao ne zu-loeesã. —Matye 11:28-30.
Wakat n wat tɩ ned pa na n le maan yɩɩr bɩ?
Neb kẽer yetame . . . tɩ ninsaal pa tõe n vɩ tɩ zu-loees la yɩɩr kaẽ ye. Sãnda tẽedame tɩ yaa ned kũum poor bal la a tõe n paam a meng ne yɩɩre. La yãmb yẽ?
Biiblã sẽn yete
Wẽnnaam na n kɩtame tɩ bũmb nins fãa sẽn wat ne yɩɩrã sa. “Kũum kõn leb n zĩnd ye, la sũ-sãang wall yãbre, wall toog kõn leb n zĩnd ye.”—Vẽnegre 21:4.
Rẽ wɛɛngẽ, bõe me la d tõe n bãng Biiblã pʋgẽ?
Wẽnnaam Rĩungã sã n wa so dũniyã gilli, nebã na n vɩɩ laafɩ la bãan pʋgẽ.—Ezayi 32:18.
Zu-loees la yɩɩr pa na n le zĩnd ye. Nebã na n yĩma rẽ fãa yelle.—Ezayi 65:17.