1．上帝，你知影我的一切，

行踏、歇睏，你攏有看詳細。

你監察我，所有的心思意念，

你總是陪伴前後，

細膩照顧我。

我佇人看袂著的所在，

恬恬大漢佇阿母腹肚內。

我受塑造，按怎生成你上知，

你互我的性命

是奇妙的安排。

耶和華啊，你智慧赫呢高深，

你的作為，我意愛閣感激。

毋管我踮佇海底抑是天邊，

烏暗包圍，猶原有你指引。

上帝，我會當匿去叨位？

是飛去日頭抑是落深坑？

我懇求你，毋通離開我身邊，

我向望永遠

受你致蔭及扶持。