1. (a) Tae-i di ǃâubasensab ge Jehovaba mā da? (b) Tae-e i ra ǂâibasen Jehovab ǃnâ ǃâu ǀgarasa? (“ǁGuiǃāhe ra mîs” di hâ ǃâba khomai re.)

 JEHOVAB ge ǃgâi ǃâubasensa ǁnān hînab ǁîba ǀnamna mā hâ. ǀGūǁaeb ge ǀaen, ǃoab tsî ǁōb tsîna nî ǀam kai. (J.ǂHa. 21:3, 4) ǁÎb ǃnâ ǃâubasensa ūhâ ‘ǃgamǃgamsenxanab’ ge nî hui. În ǃhūbaiba paradais ǃnâ ǀkharaǀkhara. (Psa. 37:9-11) Tsîb ge nî īǁkhā kai î-i mâ ǀguiǀguibe khoe-i hoa-e. ǁÎb ǀkha ǀgū ǀhōsagusisa ūhâ. Tsî ǁnās ge nēsis xa nî ǃnāsa. Kaise ǃgâi ǃâubasens ge ǁnāsa. Xawe tae-e ra ǂgom kai da Elob mîmâidi nî ama ǃkhaisa? Jehovab ge hoaǁae ǁîb ra mî xū-e ra dī. ǁNā-amaga da ge ǃgâi ǃaromasa ūhâ ‘Jehovab ǃnâ ǃâubasensa’ ūhâsa. * (Psa. 27:14) Nēsa da ge ǃnūǃnâxase tsî ǃgâiaǂgaob ǀkha ra ǃâu. Îb Eloba ǁîb di mîmâide dīǀoaǀoa.—Jes. 55:10, 11.

2. Jehovaba tae-e ǀnai dī hâ?

² Jehovab ge ǀnai ǁgau hâ ǁîb di mîmâideb ra ǃkhōǀgarasa. Kō re ǀgui mâǂoa ra aiǁgausa. ǂHaiǂhais di ǂkhanis ǃnâb ge Jehovaba ra mîmâi. Sida di tsēdi ǃnâb hoa ǃhaodi tsî gowagu tsîna nî ǀhaobesa. În ǁîba ǀguiǃnâxasib ǃnâ ǃoaba. Nētsē i ge ǁnā ǀō-aisa groeps di khoena “kai ǂnubis.” Tamas ka io ǂgui khoen ase a ǂansa. (J.ǂHa. 7:9, 10) Nē groeps di khoen ge ǃkharagagu aogu, taradi tsî ǀgôan ǃhūb ǂhabase hâna xu hâ. Xawen ge ǂkhîsa ǀgui omaris ǃâ. (Psa.  133:1; Jhn. 10:16) Nē ǂgui khoen ge ôasa aoǁnâ-aos tsîna i. ǁÎn ge ǃgâi ǃâubasensa hoaǁae, ǃgâ ǂgao rana ra aoǁnâba. (Mat. 28:19, 20; J.ǂHa. 14:6, 7; 22:17) ǂGui khoen di ǃâ du ga o, o du ge ǃgâi xūn hîna. Hānîǁaeb ǃnâ nî īn xa kaise a ǀō-aisaba-e.

3. Satani ǀapesa a tae?

³ Satani ge ǂgao tama hâ, i du hānîǁaeb ǃnâ, ǃâubasensa ūhâ. ǁÎb di ǀapes ge î du tā ǂgom, Jehovab sado ra tsâbasa. Tsîb ǁîb mîmâideb dīǀoaǀoa tide sa. Satani ga sida di ǃâubasensa dīkākā ǁkhā o. O da ge sida di ǃâubasensa nî ǂoaǃnâ. Tsî Jehovaba a ǃoaba ǀû ǁkhā. Mû da nî khamib ge, Satana Jobi di ǃâubasensa gere hîkākā ǂgao. Tsî gere ǂhâba îb Jehovaba ǃoaba ǀû.

4. Tae-e da nē ǁkhāǁkhāǃâs ǃnâ nî ǃhoaǃgao? (Job. 1:9-12)

⁴ Nē ǁkhāǁkhāǃâs ǃnâ da ge nî ǃhoaǃgao. Mâ ǃnûi deb ge Satana sîsenūsa, îb Joba ǁgari Jehovaba ǃoaba ǀûsa. (Khomai re Job. 1:9-12 sa.) Tae-e da Jobi di aiǁgausa xu, nî ǁkhāǁkhāsens tsîna da ge nî ǃhoaǃgao. Tsî tae-i ǃaroma da nî ǂâi oasa. Elob a ǀnam da sa tsîb ǁîb mîmâide nî dīǀoaǀoasa.

5-6. Tae-e Jobi ǀkha ǃnubu ǁaerob ǃnâ ge ī?

⁵ Jobi ge kaise ǃgâi ûiba ge ūhâ i. ǁÎb ge ǀū ǀhōsagusisa Jehovab ǀkha ge ūhâ i. ǁÎb ge kai tsî ǂkhîba ūhâ omarisa xu gere ǀkhī. Tsî kaise ge ǃkhū hâ i. (Job. 1:1-5) Xaweb ge ǀgui tsēs ǃnâ xūn hoana ge ǂoaǃnâ. ǂGurose i ge ǁîb di xamanîna ge ǁō. (Job. 1:13-17) ǁNāpaxu i ge ǁîb di ǀnamǀnamsa ǀgôana ge ǁō. ǁNā tsûtsûsa xūn xa ǂâi re. ǁGûn ge kaise ra tsûaǂgao ǁî-i ǀgôa-i di ǀgui i ga ǁō o. ǂÂi re mati ra ge Jobi tsî ǁîb kaikhoe hâra ǃoa. Tsî gere tsûaǂgao ǀgausa. ǁNâu ra ge o, ǁîra ǀgôan ge ǁōsa. ǁNā-amagab ge Joba ǁîb saraba ǀkhauǃā tsî ǃhūb ai ge ǁnā ǁgoe.—Job. 1:18-20.

⁶ ǁGâuab ge saorase Jobi di ǂurusiba ge tsâǀkhā. Tsî tsûtsûsa taoxa ǀaeba ge mā bi. (Job. 2:6-8; 7:5) ǁNās aiǃâb ge Joba ǀhūhâsib ǃnâ kaise ge ǃgôahe hâ i. Khoen ge ǁîb tawa ǀapemāde gere ôa (Job. 31:18) Nēsisan ge mû bi ǂgaos tsîna ge hî tama hâ i. ǁÎb di ǃgân, ǀgū ǀhōsan tsî ǃgān xab ge ge, ǂgaohe tama hâ i.—Job. 19:13, 14, 16.

7. (a) Joba ǁîb ǃgomsin hame xu gere ǀkhīsa ge ǂgom. Tsî tae-eb ge dī tama hâ i? (b) Mati-i Xristeǁî-e ǃgomsi-e hōǃâ ǁkhā ai-īsib ǃnâ i hâ khami i e?

⁷ ǁGâuab ge gere ǂhâba îb Joba ǂâi. Nē ǃgomsinab gere hōǃâsa, Jehovab ge ǁîb ǀkha ǁaixa hâ i amaga. Aiǁauseb ge ǁGâuaba ǀgaisa ǂoasa ge sîsenū. Îb Jobi di ǀgôan ge ǀguiba gere ǂûǁae omsa hīkākā. (Job. 1:18, 19) Tsîb ge ǀaeba ǀhomma xu ge ǁnā kai. Tsî Jobi di xamanîn tsî ǁîb di ǃgān tsîna ge ǃgam. (Job. 1:16) ǂOab tsî ǀaeb ge ǀhomma xu ǁgôaxa, amagab ge Joba ge ǂâi hâ i. Jehovaba xu i ra ǀkhī di. Nēs xa ǃaromahe hâseb ge Joba gere ǂâi, Jehovabab ge ǁaixa kai di. Xawes tsînab ge Joba ǁîb di ǀhomsi ǁGûba ge ǀaixa kai ǂgao tama hâ i. Jobi ge ge ǂanǃgâ, ǃkharu gere kurigu ǃnâb ge. Jehovaba xu ǃgâi xūna gere hō ǃkhaisa. ǁNā-amagab ge gere ǂâi ǃgâinab ga ūǃoa, ob tsūn tsîna nî ūǃoasa. Tsîb ge ge mî: ‘Ās Jehovab di ǀonsa koahe’ ti. (Job. 1:20, 21; 2:10) Jobi ge ǁîb di mari-i, ǀgôan tsî ǂurusib tsîna ge ǂoaǃnâ. Xaweb ge Jehovab ǃoagu ǂgomǂgomsase ge hâ. Xaweb ge ǁGâuaba ǁîb ǀkha ge toa tama hâ i.

8. ǁGâuaba sao rase tae-e Joba ge dī?

 ⁸ ǁGâuab ge sao rase ǃnona khoen. Hîna Jobi ǀhōn ase gere tanîsena, ge sîsenū în Joba ǁgaise tsâ kai. Nē khoegu ge ge mî. Jobi di ǃgomsin ge ǂgui tsū xūn hînab ge, dī hâ īn xa ǃaromahe hâ isa. (Job. 22:5-9) ǁÎgu ge gere ǂgom kai bi, matikō ǃgâi xūnab Elob ǃoa dīhâsa. Xaweb Eloba ǁae tama hâsa. (Job. 4:18; 22:2, 3; 25:4) ǁÎgu ge gere ǂhâba îb Joba ǂâi. Elob ǀnam bi tama hâsa. Tsîb Eloba ǁîba kōǃgâ tidesa tsî i ǂhâbasa tamasa ǁîba ǃoabasa. ǁÎgu di mîdi ge Joba ga tsâ kai hâ, ǁîb mâsib. ǃÂubasen-e ūhâ tama hâsa.

9. Tae-e Joba ge hui, îb ǁkhoaǂgaoxa tsî ǀgaisa?

⁹ Sao ra i xa ǂâi re. Jobi ge tsaob ǃnâ ǂnû tsî kai tsûba ra hōǃâ. (Job. 2:8) Tsî gu ge ǁnā khoega aiǃgû. Tsî ra mî Jobi ge ǃgâi tama khoeba. Tsî ǁîb ra dī xūn ǂâibasen-e ūhâ tama hâsa. ǁÎb di ǃgomsin ge ǃgom ǀui-i khami ge ī-i. Tsî i ge ǁîb ǀgôanab ge ǂoaǃnâs di ǃoaba. ǁÎb ǂgaob ǃnâ ge ǀoa hâ i. ǂGuroseb ge Joba ge ǃnō. (Job. 2:13–3:1) Khoegu hîna ge Jobi ǀhōsagu ase gere tanisen gu ge ge ǂâi hâ i. ǁÎb ge ǃnō hâ i ǃkhais gere ǁgausa. ǁÎb Jehovaba nî ǁnāxu di. ǁÎgu ge ge ǂhanu tama hâ i. ǀGui ǃnā i aib ge Joba, ǁîb di ama tama ǀhosa ga ais ǃnâ kō tsî ge mî: “ǁŌ ta nî tsēs kōse ta ǀhapio ta asa nî mî.” (Job. 27:5) Tae-e Joba ge hui îb ǁkhoaǂgaoxa tsî ǀgaisa. ǁÎb di ǃgomsin hoan ǃnâ? ǂKhabuǂâib gere xaweb ge ge ǃâubasen ǀû tama hâ i. ǁÎb di ǀnamǀnamsa Elob ǁîb ǃgomsina nî ǀû kaisa. ǁÎb ge ge ǂan i, ǁōb ga xaweb Jehovaba khâisa nî mā bisa.—Job. 14:13-15.

10. Tae-e da Jobi ǃâsa xu a ǁkhāǁkhāsen ǁkhā?

¹⁰ Jobi di ǃâsa xu da ge ra ǁkhāǁkhāsen. ǁGâuab tātsē a ǁgari da ǁoasa, î da Jehovaba  ǁnāxu. Tsî Jehovab ge ǃkharuǃnâ da ra xūn hoana a ǂan. Jobi ge ǃkharuǃnâ xūn ge ra hui da î da ǁnâuǃā. Taen hoana i ǃkhōǂgā hâ ǃkhaisa. Kō re ǀnî xūn hîna da Joba xu a ǁkhāǁkhāsen ǁkhāna.

11. Jehovab ǃnâ da ga ǂgomǀgara, o da mâ ǂgomǃgâsiba nî ūhâ? (Jakobub 4:7)

¹¹ Jobi ge ge ǁgau Jehovab ǃnâ da ga ǂgom ǀgara. O da mâ ǃgomsin hoana nî dansa. Tsî da ǁGâuaba nî mâǃoasa. Mâ ǀamǂoas ǀkha? Xoadi ge ra ǂgomǃgâ kai da, ǁGâuab sida xu nî bē sa.—Khomai re Jakobub 4:7 sa.

12. Khâis di ǃâubasensa mati Joba ge ǀgaiǀgai?

¹² ǀGaisa ǂgomsa da ge khâis ǃnâ nî ūhâ. ǃKharu goro ǁkhāǁkhāǃâs ǃnâ i goro mîhe khamib ge ǁGâuaba. ǁŌb di ǃaoba ra sîsenū î da, Jehovaba ǂgomǂgomsase ǃoaba ǀû. ǁGâuab ge gere mî, Jobi xū-i hoa-e nî dīsa. Îb ǁîb ûiba sâu tsî Jehovaba ǃoaba ǀû. ǁGâuab ge ge ǂhanu tama hâ i. ǁŌb nî tib ge ǂâi hâ i. Xaweb ge Joba Jehovab ǃoa ǂgomǂgomsase ge hâ ǀgara. ǁÎb ǂgomǃgâsib hînab ge Jehovab ǃgâisib ǃnâ ūhâ ib. Tsî ǁîb di ǀgaisa ǃâubasens Jehovab xūna nî ǃgâiǃgâis ge ge hui bi, îb mâǃkharu. Jobi ge gere ǂgom, Jehovab ga ûitsamab a hîna xū-e dī tama i. Ob ǁîba hānîǁaeb ǃnâ khaisa nî mā bi ti. Khâis di ǃâubasens ge Jobi tawa ge ama i. Sida ǃâubasens ga ama o. O da ge ǁōb ǀkha da ga ǃaoǃaohe o, Jehovaba ǃoaba ǀû tide.

13. Tae-e da ra ǁkhāǁkhāsen ǁGâuab ge Joba dī xūna xu?

¹³ ǁGâuab ge Jobi ai a sîsenū ǃnûide da ge nî ǂanǂui. ǁÎb ra ǁkhā ǀgauga sida ai sîsenū amaga. ǃGaoǃgâ re tae-eb ge ǁGâuaba mîsa: “Khoen ge (Jobi ǀguib ose) ǁî-i ûiba sâus ǃaroma ū-i hâ xūn hoana nî mā.” (Job. 2:4, 5) ǁGâuab ge ra mî, sida Jehova Eloba ǀnam tama hâsa. Tsî da sida ûiba sâus ǃaroma ǁîba nî ǁnāxu sa. ǁGâuab ge noxoba ra mî, Elob ǀnam da tama hâsa. Tsîb dī da ra xūna mû tide sa. ǁGâuab tae-e ra sīǃnâ ǂgaosa da a ǂan. Amaga da ge ǁîb ǂhumiba ǂgom tama hâ.

14. ǃGomsina tae-e a ǁgau ǁkhā? ǁGuiǃā re.

¹⁴ ǃGomsina xu da ge a ǁkhāǁkhāsen ǁkhā. Jobi ge hōǃâ ǃgomsin ge ge hui bi. Îb ǁîb ǂkhabusasiga mûǃā tsî dī-ūnu. Aiǁgauseb ge ge ǁkhāǁkhāsen ǃgamǃgamsenxasibab ǂhâhâsa (Job. 42:3) Sida tsîn ge ǃgomsin ǃnâ da ga ǂgâ o. Mâ khoeda asa a ǁkhāǁkhāsen ǁkhā. Nikolay, * di ǀon hâ ǃgâsab hîna ge tronkes ǃnâ a ǂgāheb. ǂUrusib ǃgomsibab ūhâ hînab ge ra mî: “Tronkes ge X-ray masins khami i. ǁNāpa ta ge ti ǂkhabusasigu hîna ta nî sîsen ai ga ge mûǂan.” Sida di ǂkhabusasiga da ga mûǃā o da ge, ǀkharaǀkharana a dī ǁkhā.

15. Hame da nî ǃgâ tsî tae-i ǃaroma?

¹⁵ Jehovaba da ge nî ǃgâ, sida khākhoen ose. Jobi ge Jehovaba ǃgâise gere ǃgâ, ǁîb ǀkhab ge ǃhoa o. Elob ge Joba ǀnî dîde ge dî, îb mû ǁîbab ra tsâba ǃkhaisa. ‘Ti buruxa sîsen ga mû îts ta? ǃKharuǃnâts ta xūna da ge ra mû. ǂÂi tama its hâ, tsâba tsi ta ra sa?’ Jobi ge ǃgamǃgamsenxasib tsî ǃgôaǃgâsib tsîn ǀkha. Jehovab ǃgâisiba nēti ge ǃeream. “Sats xa gere ǃhoahe xūna ta ge, ǂgaera ǀkha ǀgui gere ǁnâu, xawe ta ge nēsi ti mûra ǀkha go mû tsi.” (Job. 42:5) Jobi ge noxoba tsao i ǃnâ ge ǂnûa i. ǀKhapin xa ǀoa hâ ǀkhāb ǀkha. Tsîb ge ǁîb ǀgôan di ǁōb xa gere ǃoa. Xaweb ge Jehovaba,  Jobab a ǀnam di ge mî. Tsî ge ǂgomǃgâ kai bi, ǁîb mā-amsab ūhâsa.—Job. 42:7, 8.

16. Jesajab 49:15, 16 ǃoagu da tae-e ǂâis ǃnâ nî ūhâ, ǃgomsina da ga hōǃâ o?

¹⁶ Nētsēs tsînan ge khoena mîǁgaiǁgai da. Tsî xu tama da hâ khama a hâ-ū da ǁkhā. ǀGuiǀguibese tamas ka io ǀapeǂhumis asen ge ra dītsâ, sida di ǀonsa ǁgaiǁgaisa. Tsîn ge ‘ǂhumi tsî ǂkhaba xūna sada xa ra ǃhoa.’ (Mat. 5:11) Jobi di ǃâsa xu da ge ra ǁkhāǁkhāsen. Jehovab sida ǃnâ ǂgomǃgâsiba ūhâsa. ǂGomǂgomsase da nî hâsa ǃgomsin ǃnâ da ga ǂgâ o. Jehovab ge a ǀnam da tsî tātsēs tsîna. ǁNān hîna ǁîb ǃnâ ǃâubasensa ūhâna ǁnāxu tide. (Khomai re Jesajab 49:15, 16 sa.) Tā Elob khākhoen ra mî ǁgai xūna ǃgâ. James di ǀon hâ ǃgâsab hîna Turkiba xu ra ǀkhīb di omaris ge ǃgomsina gere hōǃâ, ǁîb ge ra mî: “Hōǃâ da ge ge Elob khoen ǃoagu ra mîhe ǂhumiba ǃgâs, sida a ǂkhabuǂâi kai ǁkhāsa. ǁNā-amaga da ge Gaosib di ǃâubasens ai, ǂâisa ge ǂnûi. Tsî Jehovab di ǃoabas ǃnâ ge sîsen ǀgara. ǁNās xa ǃaromahe hâse da ge sida ǃgâiaǂgaoba ge ūhâ ǀgara.” Jobi khami da ge Jehovaba ra ǃgâ. Sida di khākhoen ra mî ǂhumib ge, sida di ǃâubasensa hīkākā tama hâ.

17. Tae-e da Hereǁîn di 11ǁî danaǃâs ǃnâ xoasa. ǂGomǂgomsa-aogu tsî tarade xu ra ǁkhāǁkhāsen?

¹⁷ Jobi ge Jehovab diǃoaba-aon di ǀguib hîna ge. ǁKhoaǂgao tsî ǀgaisase  mâǃkharuba ǃgomsin ǃnâ. ǁÎb di sîǂkhanis Hebreǁîna ǃoab ge xoas ǃnâb ge. Apostel Pauluba ǂguina ǃoa ge mî. ‘Kai ǂnubis di ǃkhō-am aon’ tamas ka ion ǃoaba-aosa. (Heb. 12:1) Hoan ge ǃgomsina gere hōǃâ ǁîn di ûigu ǃnâ. Xawen ge ǂgomǂgomsase Jehovab ǃoa ge hâ. (Heb. 11:36-40) ǁÎn di taniǀnamxasib tsî ǃgari sîseni tsîna ǃgôaǃgâhe tama? ǃGôaǃgâhe ra. ǁÎn ge ûi hâ i ǁaegu ǃnâ i Elob di mîmâide ra dīǀoaǀoahe, ǀgauban ge ge mû tama hâ i. Xawen ge aiǃgû tsî Jehovab ǃnâ ǃâubasensa ge ūhâ ǀgara. Xawen ge ǂgomǃgâsiba ge ūhâ i, ǁnā mîmâidi nî ama kaisa. (Heb. 11:4, 5) ǁÎn di aiǁgaus ge nî hui da, î da sida ǃâubasens. Jehovab ǃnâ da ūhâsa ǀgaiǀgai ǀgara.

18. Tae-e da nî dī? (Hebreǁîn 11:6)

¹⁸ Nētsē da ge ǁgaiǂoa ra ǃhūbaib ǃnâ ûi hâ. (2Tim. 3:13) ǁGâuab ge toa tama hâ, Elob di khoena ǃâitsâsa. Mâ ǃgomsi i ǀgui i ga ais ai hâ. Xawe da ge ǃgarise Jehovaba nî sîsen ba. ǂGomǃgâsib ǀkha “ǀoasa ǃâubasensa ūhâse ûitsama Elob” ǃnâ. (1Tim. 4:10) ǂÂis ǃnâ ūhâ re ǀamǂoas hînab ge Jehovaba, Joba a mās ge ra ǁgau. Jehovab “tsâbaǁhaos tsî ǀkhomxasib xa ǀoa hâ” sa ra ǁgausa. (Jak. 5:11) A da sida tsîna Jehovab ǃoa ai ǂgomǂgomsase hâ. ǂGomǃgâsiba ūhâse, ‘ǁnān ǁîba ra ôanab nî mādawa-am ǃkhaisa.’—Khomai re Hebreǁîn 11:6 sa.