Ipan julio 2022, ipan nochi Tlaltipaktli tlauel tlatotonixki uan nopa amo kema panotoya.

•   “Ipan nechka 70 altepemej tlen China, tlauel tlatotonixki, ipan ni metstli ompa kiampa panok” (julio 25, 2022, servicio de noticias de la CNN).

•   “Tlatlak uejueyi kuatitlamitl ipan Europa pampa tlauel tlatotonixki” (julio 17, 2022, The Guardian).

•   “Ipan costa este, sur uan Medio Oeste tlen Estados Unidos tlauel tona uan yeka domingo tlauel tlatotonixki ipan sekinok altepemej, ni tlamantli amo kema panotoya” (julio 24, 2022, The New York Times).

 ¿Timoiljuia ni tlamantli kinextia teipa ayokmo uelis tiitstosej ipan Tlaltipaktli? ¿Tlake kiijtoua Biblia?

 Kena, pampa Biblia kiijtok tlake tlamantli tlen amo kuali panoskia ipan ni tonali uan kema tlauel tlatotonia kiampa kinextia. Xikita tlen Jesús kiijtok: “Tlakamej kiitasej [...] tlamantli tlen kinmajmatis” (Lucas 21:11). Miakej momajmatiaj kema tlauel tlatotonia uan moiljuiaj maseualmej kinenpolosej Tlaltipaktli.

 Amo, toTeotsij kichijchijki Tlaltipaktli pampa kinekiyaya maseualmej nochipa ma itstokaj nopaya (Salmo 115:16; Eclesiastés 1:4). Ya amo kikauas maseualmej ma kitsontlamiltikaj Tlaltipaktli, yeka kiijtojtok kintsontlamiltis katli “tlaxoleuayayaj ipan Tlaltipaktli” (Apocalipsis 11:18).

 Nojua ma tikitakaj ome tlamantli tlen toTeotsij kiijtojtok kichiuas:

•   “Ipan nopa tonali elis keja pakis nopa uaktok tlali uan kampa tlatsitsika pampa xochiyouasej keja se yejyektsi xochitl” (Isaías 35:1). ToTeotsij amo kikauas Tlaltipaktli ma eli kej uaktok tlali kampa amo aka uelis itstos, yeka ya kiijtojtok kikualtlalis nochi tlen kinenpolojtokej maseualmej.

•   “Ta tikatekia ni Tlaltipaktli para ma tlaelilti” (Salmo 65:9). ToTeotsij kichiuas nochi Tlaltipaktli ma eli se yejyektsij xochimili.

 Tlaj tijneki tijmatis kenijkatsa moaxitia tlen Biblia kiijtoua kema tlauel tlatotonia o tlauel tlaseseya, xikita nopa tlamachtili “¿Qué dice la Biblia sobre el cambio climático y nuestro futuro?”.

 Tlaj tijneki tijmatis kenijkatsa toTeotsij kikualtlalis Tlaltipaktli, xikita nopa tlamachtili “¿Quién salvará el planeta?”.