YIUEJKIKA akin okimaluiaya se kali noso se tlali, omonekiaya kitas ma kipia nochi tlen omonekiaya.

Jacob okipiaya se itelpoch tlen omotokayotiaya José uan ye okiuikakej Egipto ken tlakeuali uan tekiua okilui ma kimalui ikalijtik. Tekiua tlen ompa otlanauatiaya okilui ma kimalui nochi tlen okipiaya ikalijtik (Gén. 39:2-6). Satepan, José okitlalijkej ma tlanauati uan noijki okipiaya akin okimaluiliaya ikalijtik (Gén. 44:4).

Ijkuak Jesús okatka nikan tlaltikpak, miakej oyayaj uejka. Ik non, ikaj okitlakeuayaj ma kinmaluili inkalijtik uan ma kinmita akinmej ompa otekipanoayaj.

¿Tlen omonekiaya kichiuas akin otlamaluiaya? Se tlakatl itoka Columela tlen ochantiaya Roma uan okatka itech achto siglo, okijkuilo akin okitlakeuayaj ma tlamalui tekalijtik, omonekiaya “kimatis tlen kichiuas”. “Okimatiaya tlen kichiuaskia [...] uan omonekiaya kipias kuali iyelis, ijkon kuali tlanauatiskia uan amikaj tlajyouiskia”. Noijki okijto: “Akin otlamaluiaya amo omonekiaya momachilis sapanoa ixtlamatki uan omonekiaya kimatis tlen tlamantli yankuik okisaya”.

ITlajtol toTajtsin Dios kitekitiltia tlajtoli akin tlamaluia ijkuak kiyekijtoa seki tlamantli tlen mochiua itech tlanechikol. Tlatitlanil Pedro okijto tlen tikmatij tikchiuaskej, ‘matiktekitiltikah ijkuak tikimpalewiah tokniwah, ijkó tiyetoskeh non kualteh tekitkeh ika ikualtilis Dios’ (1 Ped. 4:10).

Jesús noijki okitekitilti tlajtoli akin tlamaluia ijkuak okiyekijto neskayotl tlen moijtoa itech Lucas 16:1-8. Noijki ijkuak omoijto ualaskia ken se tekiua, okinmilui imachtijkauan kitlaliskia se “tlakeuali yolmelajki uan ixtlamatki” noso akin tlamaluia. Nin tlakeuali kinmakaskia imachtijkauan Jesús tlen kinpaleuiskia ma kipiakan chikauak intlaneltokilis itlamian tonalmej (Mat. 24:45-47, TNM; Luc. 12:42, TNM). Tiktlasojkamatiliaj akin tlamaluia porque kinyektlalia miakej amatlajkuilolmej uan techinmaka. Non techpaleuia ma tikpiakan chikauak totlaneltokilis.