Lanxa wena ungakaze uzondwe, kungenzakala ukuthi sewake wakubona lokhu kusenzakala kwabanye. Nxa silalele izindaba sijayele ukuzwa imibiko ephathelane lokubandlululwa kwabantu beminye imihlobo, abantu abayizitabane kumbe abavela kwamanye amazwe. Lokhu sekwenze ukuthi abanye ohulumende bafake imithetho eqinileyo yokujezisa labo abahlukuluza abanye ngenxa yokubazonda.

Nxa umuntu angazondwa, laye ucina esezonda abanye. Ezikhathini ezinengi umuntu lo ucina ephindisela besekusenza ukuthi ukuzondana kwakhona kungapheli.

Mhlawumbe sewake wabandlululwa kumbe wahlekwa loba wathethiswa kumbe wasongelwa. Izikhathi ezinengi ukuzondana kucina kubangela ukudilizwa kwezakhiwo, ukuhlukuluzwa kwabanye, ukutshaywa kabuhlungu, ukubanjwa iganyavu, ukubulalana kumbe ukubulawa komhlobo othile wabantu.

Imagazini le izatshengisa ukuthi ukuzondana kunganqotshwa njani futhi izaphendula imibuzo elandelayo:

• Kungani kulokuzondana okungaka?

• Ukuzondana kunganqotshwa njani?

• Kambe kuzake kube lesikhathi lapho okuyabe kungasela kuzondana?