Wen kërl un fruug air dem ande bijståe, dai sin soo as ain schofer fon luftschif un dai wat em mithelpe däit, sai muite up dai neemlig stel flaige. Wen sai swårhëte doirsete, sai daue ni bloos an sich selwst denke, åwer air an der ande.

WAT SÄGT DAI BIJBEL? “Soo sin sai ni mër twai, åwer bloos soo as air.” (Mateus 19:​6)

“Dat forfrigt leewend is ni soo as air arbëd wat wij alaine måke. Kërl un fruug muite t’hooparbëre taum air fröölig forfrigt leewend häwe.” - Christopher

Wen sai ni oiwerain kåme, dai kërl un fruug wat ni air dem ande bijståe daue, daue sich bloos uphule air oiwer der ande, laiwer as dat eelend int raich bringe. Soo, klain daile koine groot daile ware.

“Air der ande bijståe hät groote wërd tau dat forfrigt leewend. Wen ik un mij kërl oos ni t’hoopståe daue, wij sin bloos soo as lüür wat t’hoopwåne, ni air kërl un fruug wat forfrigt sin. Den sin wij bloos twai lüür wat t’hoopleewe, åwer daue ni oiwerain kåme taum wat uutsuike.” - Alexandra

DAU AIS DENKE

• Dau ik maine dat dat gild wat ik fordaine dau, is “bloos mijn”?

• Dau ik bloos ruig blijwe wen ik wijdaf bün fon mijn kërl urer fruug?

• Nog dat ik waite dau dat mij kërl urer mijn fruug, sër feel hült fon sijn fründe, ik dau mij trööghule fon dai?

DAUT BËD T’HOOPFORTELE

• In wat daue wij oos gaud t’hoopståe in oosem forfrigte leewend?

• In wat muite wij nog beeter ware?

• Wat muite wij måke taum beeter ware?

DIT KAN DIJ HELPE

• Denk ais dat dij forfrigt leewend soo is as kårte speele. Duu un dij kërl urer dijn fruug, daue ni t’hoopspeele, daut forsuike forståe wat jij måke muite taum air der ande mithelpe.

• Airer as denke: ‘Wosoo kan ik gewine?’, dau denke: ‘Wosoo koine wij bëd gewine?’

“Dau ni forsuike wijse wee richtig urer forkërd is, wat der mëste wërd hät im forfrigte leewend, is der freere un ainigkët hule.” - Ethan

WAT SÄGT DAI BIJBEL? “Suik ni bloos wat’s duu wist, åwer uk wat dai andrer wile.” (Filipenses 2:​3, 4)