Ngoye oto ti ngiini?

• Eeno

• Aawe

• Ngiika ngaa

Shoka Ombiimbeli tayi ti

“[Kalunga] mu tsikeni iimpwiyu yeni ayihe, oshoka oye omusilishimpwiyu gweni.” (1 Petrus 5:7) Ombiimbeli otayi ku shilipaleke kutya Kalunga ota vulu oku ku kwathela wu kale kuu na we oshimpwiyu.

Oshike ishewe tatu vulu okwiilonga mOmbiimbeli?

• Oto vulu okumona ‘ombili yaKalunga’ ndjoka hayi tu kwathele tu kale itaatu ipula unene niimpwiyu yetu okupitila megalikano. — Aafilippi 4:6, 7.

• Okulesha Oohapu dhaKalunga nako otaku vulu oku ku kwathela wi idhidhimikile omaudhigu goye. — Mateus 11:28-30.

Aantu yamwe oyi itaala . . .  kutya iimpwiyu nomaipulo oyi li oshitopolwa shonkalamwenyo, omanga yalwe yi itaala kutya iimpwiyu otayi ka za po owala ngele omuntu a si. Ngoye oto ti ngiini?

Shoka Ombiimbeli tayi ti

Kalunga ota ka kutha po iinima ayihe mbyoka hayi etitha iimpwiyu. Ombiimbeli otayi ti: ‘Itaku ka kala we eso, oluhodhi, elilo nenge uuwehame.’ — Ehololo 21:4.

Oshike ishewe tatu vulu okwiilonga mOmbiimbeli?

• Uuna Uukwaniilwa waKalunga tawu pangele, aantu otaya ka kala ye na ombili nepepelelo. — Jesaja 32:18.

• Iimpwiyu ya pitilila nomaipulo itayi ka kala po we. — Jesaja 65:17.